Astana qalasynda dinı ahýal turaqty - ákimdik ókili
ASTANA. 3 qazan. QazAqparat /Gúlmıra Alıakparova/ - Astana qalasynda dinı ahýal turaqty. Bul týraly búgin jat pıǵyldy dinı birlestikterden zardap shekkenderge kómek kórsetetin jańa Ortalyqtyń ashylýyna oraı
ótken baspasóz máslıhatynda qalalyq Іshki saıasat basqarmasy úkimettik emes uıymdar jáne dinı birlestiktermen jumys jónindegi bólimniń bastyǵy Rýslan Qamash málim etti.
Málim bolǵandaı, 700 myńnan asyp jyǵylatyn Astana halqynyń 65 paıyzy ıslam dinin, 28 paıyzy pravoslav dinin ustanady. Qazirgi tańda elordada 55 dinı uıym resmı tirkelip, jumys isteýde. Onyń 9-yn ıslam, 4 - orys pravoslav, 33 - protestanttyq dinı birlestikter quraıdy.
«Jalpy alǵanda qaladaǵy dinı ahýal turaqty. Áleýmettik saýalnama nátıjesi, elordalyqtardyń 57 paıyzy dinı ahýaldy - turaqty, 36 paıyzy - jaǵymdy jáne tek 0,7 paıyzy óte qaýipti dep baǵalaıtyndyǵyn kórsetti»- dep atap ótti R.Qamash.
Mamandardyń aıtýynsha, sońǵy on jylda Qazaqstandaǵy dinı ahýal edáýir ózgeristerge toly boldy. Dinı birlestikterdiń sany 1990 jylǵy 670-ten 4,5 myńnyń ar jaq ber jaǵyna jetti. Olardyń arasynda qoǵamnyń sanasyn ýlaýdy múdde etken, densaýlyqqa, jeke múlikke zardap ákeletin dinı birlestikter de joq emes. Olarmen quzyrly organdar shama-sharqynsha kúresip baǵýda. Bir mysal, Qazaqstanda jáne odan tys jerlerde Ata joly (Aq jol) jáne Allıa-aıat (farhatshylar) atty teris pıǵyldy uıymdar jumys isteıdi.
«Olar jalǵan saýyqtyrý qyzmetimen aınalysady. Saýyqtyrýdy jeleý etip, adamdardyń aqshasyna qol suǵady, psıhologııalyq keri áser ete otyryp, ózderine emshi bola alasyn degen senimdi uıalatady. 2009 jyldan bastap olardyń jumysyna tyıym salyndy», - deıdi jańadan qurylǵan Dinı máselelerdi zertteý jáne psıhologııalyq ońaltý ortalyǵynyń jetekshisi Esbosyn Smaǵulov.
E.Smaǵulovtyń aıtýynsha, jelilik marketıng qaǵıdatymen jumys isteıtin, qazir attary basqasha atalatyn osy syndy birlestikter halyqty «saýyqtyrýǵa» eldiń ońtústigine, Túrkistanǵa, Shonjyǵa áli de aparýda.
