Astana qalasynda burynǵy bombapana ǵımaratyndaǵy órtti sóndirý barysynda qaza tapqan TJD qyzmetkerlerine estelik taqta ashyldy
ASTANA. Maýsymnyń 17-si. QazAqparat - 2010 jyldyń 15-16 maýsymynda Astana qalasynyń TJ jónindegi departamenti 2010 jylǵy aqpannyń 18-inde óz qyzmetterin atqarý kezinde burynǵy bombapana ǵımaratyndaǵy órtti sóndirý barysynda qaza tapqan qyzmetkerlerge arnalǵan estelik taqtanyń ashylý saltanaty bolyp ótti.
Astana qalalyq TJD «Órt sóndirý qyzmeti jáne apattyq-qutqarý jumystary» MM baspasóz qyzmetinen habarlaǵandaı, eskertkish taqtalar qaza tapqan azamattardyń jumys istegen mekemeleriniń ǵımarattaryna ornalastyryldy: memlekettik órt baqylaý basqarmasy ǵımaratynda Astana qalasynyń Tótenshe jaǵdaılar departamenti bastyǵynyń orynbasary polkovnık Valerıı Mıhaılovıch Zaıtsevke, №6 órt sóndirý bóliminiń bastyǵy Rýslan Kákishevke, №3 mamandandyrylǵan órt sóndirý bólimi bastyǵynyń orynbasaryna Saıat Ábeevke eskertkish taqtalar ashyldy.
Ashylý saltanatyna qaza tapqandardyń týǵan-týysqandary, Astana qalasy TJD «Órt sóndirý qyzmeti jáne apattyq-qutqarý jumystary» MM jeke quramy shaqyryldy.
Astana qalasy boıynsha TJ jónindegi departament bastyǵynyń orynbasary E.Tóleýjanov qyzmetkerlerdiń erligi men batyrlyǵy týraly syr shertti. Odan keıin qaza tapqandardyń rýhyna bir sát únsizdikpen taǵzym etildi.
Olardyń eren eńbegi men qaharmandyǵy máńgilikke bizdiń jadymyzda qalady.
