Astana qalasynda barlyq mekemege jylý berilgen

ASTANA. QazAqparat - Qazirgi tańda ortalyqtandyrylǵan jylytý júıesine 5 497 ǵımarat qosylǵan, dep habarlaıdy QazAqparat qala ákimdiginiń medıa ortalyǵyna silteme jasap. 

«Jylytý maýsymy boıynsha barlyq mekemeler shtattyq júıede jumys jasaýda, barlyq turǵyn úıler ortalyq jylýǵa qosylǵan», - dep málim etti Astana qalasy ákiminiń orynbasary Qosman Aıtmuhametov ákimdikte ótken apparat jınalysynda.

Qala boıynsha 2 250 kópqabatty turǵyn úı bar, barlyǵy ortalyq jylýǵa qosylǵan, barlyǵyna jylý berilgen. 

Sonymen qatar mektepter, aýrýhanalar, mádenı oshaqtar  jylýmen tolyq qamtylǵan.

Qazirgi kúni jylýǵa ortasha tarıf 2 589 teńge.

Eske salaıyq, 2016-2017 jylytý maýsymyna daıyndyq kezińde «Astana-Energııa» AQ-nyń basty jáne qosymsha qural-jabdyqtaryna kestege sáıkes jóndeý jumystary júrgizilgen. Qazirgi kúni JEO-1 jáne JEıÝ-2  júz paıyz qýatynda jumys jasaýda.