Astana qalasynda aýyz sý barlyq sanıtarlyq jáne memlekettik talaptarǵa saı
ASTANA. 25 aqpan. QazAqparat - «Astana sý arnasy» MKK sýyq sýmen qamtý júıesinde ortalyqtandyrylǵan jelilerge jatatyn sýmen qamtý jáne úıishilik sýmen qamtý balansy sheginde sýdyń sapasyna baqylaý jasaıdy.
Astana qalasynyń resmı saıty vedomstvonyń baspasóz qyzmetine silteme jasap, habarlaýynsha, sýdyń sapasyn baqylaý úshin saraptaýdy «Astana sý arnasy» MKK synaq zerthanasynyń qyzmetkerleri Astana qalasynyń sanıtarlyq-epıdemıologııalyq qadaǵalaý departamentimen birlesip júrgizedi.
Turǵyndardyń ótinishteri boıynsha, sýǵa synaq tutynýshylar sý alatyn shúmekterden (mektep, dárihana, aýrýhana, taǵy basqa memlekettik mekemelerden) alynady. Taldaý qorytyndysy boıynsha, turǵyndardyń úıine beriletin aýyz sý sapasy baǵalanady.
Sýmen jabdyqtaý kózi Astana sý qoımasy bolyp tabylady. Sý arnasy qyzmetkerleri kúshimen kún saıyn sapasyn tekserý úshin sý taratatyn qudyqtardan, sý aıdaıtyn stansalardan, (Kóktal, Ilınka kentterindegi) sý sorǵylary sııaqty 60 nysannan sý alynady.
Júrgizilgen zerthanalyq saraptaýlardyń qorytyndysy boıynsha, Astana qalasyndaǵy aýyz sý SanPıN 3.02.002.04 jáne GOST 2874 talaptary qoıǵan «Aýyz sý» standarty sapasyna tolyq sáıkes keledi.
