Astana qalasynda AIBA uıymy úshin mańyzdy sheshimder qabyldandy - AIBA Prezıdenti
TANA. 1 tamyz. QazAqparat /Qanat Mámetqazyuly/ - Halyqaralyq áýesqoı boks qaýymdastyǵynyń (AIBA) Atqarý komıteti Astana qalasynda ótken otyrysy barysynda uıym úshin taǵdyrsheshti sheshimder qabyldady.
Bul týraly búgin elordada ótken baspasóz máslıhatynda AIBA prezıdenti Chıng-Kýo Vý málim etti.
«Búgingi kúni AIBA jańa halyqaralyq organ APB (AIBA Professional Box), ıaǵnı AIBA janyndaǵy kásipqoı boks qaýymdastyǵy qalyptasatyny týraly málimdeıdi. Óziniń organdaryn, úderisteri men jarǵysyn satylap qalyptastyra otyryp, ARV boks jónindegi barlyq uıymdardy biriktirýge umtylady. Bul rette jańa organ sporttyń osy túri boıynsha barlyq kúsh-jigerdi, jarystar men daıarlyqtardy, jattyǵýlardy kásipqoı deńgeıde de, áýesqoılyq deńgeıde de óziniń qamqorlyǵyna alǵysy keledi», - dedi Chıng-Kýo Vý.
AIVA basshysynyń aıtýynsha, jańa qaýymdastyqtyń basty mıssııalarynyń biri - boksshylardyń quqyn qorǵaý bolyp tabylady. «Bul eń aldymen kásibı boks jarystarynan túsetin tabystardyń barlyǵy sol boksshylardyń ıgiligine jumsalýyn, olardyń áleýmettik baǵdarlamalaryn qorǵaýǵa arnalady», - deıdi AIBA basshysy. Onyń sózine qaraǵanda, qaýymdastyqtar naqty baǵyttar boıynsha qalyptasatyn bolady. Máselen, marketıngtik bólimsheler negizinen bokstyń ARV sheńberinde tanymal bolýymen aınalysady.
