Astana qalasynda 2013-2015 jyldarǵa arnalǵan Jumyspen qamtý kartasy ázirlendi

ASTANA. 8 aqpan. QazAqparat - Astana qalasynyń ákimdiginde qurylǵan jumys toby azamattardy jumyspen qamtý máseleleri boıynsha belsendi qyzmet atqaryp keledi.

Qurylǵanyna tórt jyl bolǵan jumys toby jumyssyzdyq deńgeıin aıtarlyqtaı tómendetýge óz úlesin qosýda. Bul týraly Jumyspen qamtý jáne áleýmettik baǵdarlamalar basqarmasy málim etti.

Baspasóz qyzmetiniń habarlaýynsha, jumyssyzdardy anyqtaý maqsatynda úılerdi aralaıtyn toptar qurylyp, halyqty jumysqa ornalastyrýdyń baǵdary jasalǵan. Saýalnama júrgizý arqyly jumyssyz turǵyndardy anyqtaý sharalary da júzege asýda. «Jumyssyzdyq deńgeıin tómendetý sharalarynyń biri www.job.astana.kz eńbekpen qamtý portalyn qurý. Buǵan qosa, QR Úkimetiniń tapsyrmasyna sáıkes, eńbek naryǵyn retteý jáne jumysqa suranys pen usynysty teńestirý maqsatynda Astana qalasynyń Jumyspen qamtý jáne áleýmettik baǵdarlamalar basqarmasy múddeli memlekettik organdarmen birlesip, Astana qalasynyń 2013-2015 jyldarǵa arnalǵan Jumyspen qamtý kartasyn ázirledi», - deıdi Basqarma mamandary.

Sonymen qatar, Astana qalasy ákimdiginiń eńbek naryǵyn retteý jónindegi 2013-2014 jyldarǵa arnalǵan Іs-qımyl jospary elordadaǵy jumyssyzdyq deńgeıin tómendetýge jáne astanalyq turǵyndardyń áleýmettik-ekonomıkalyq jaǵdaıyn jaqsartýǵa múmkindik beredi.