Astana qalasynan batysqazaqstandyqtarǵa gýmanıtarlyq júk jóneltildi

BQO-da zardap shekkenderge kómek qolyn sozý aktsııasy Astana qalasy ákimdiginiń bastamasymen uıymdastyryldy. Oǵan qaladaǵy sýpermarketter men gıpermarketter, birqatar qonaq úıler, saýda ortalyqtary, úlkendi-kishili bazarlar men JShS-lar, Saýda, oıyn-saýyq ortalyqtary, barlyǵy 30-ǵa jýyq kásiporyn jumyla qatysty. Nátıjesinde jalpy quny 22,5 mln. teńge bolatyn 45 tonna júk jınaldy.

Astana qalasynyń Kásipkerlik jáne ónerkásip basqarmasy bastyǵynyń mindetin atqarýshy Ryskúl Qaldybaevanyń aıtýynsha, gýmanıtarlyq taýar nebári úsh kúnniń ishinde jınaldy. Onda birinshi qajettiliktegi azyq-túlikter - kartop, pııaz, sábiz, un, makaron, kúrish, túrli dándi-daqyldar, sháı, qurǵaq sút, buqtyrylǵan et, qalbyranǵan ónimder, sondaı-aq kıim-keshekter, kórpe-jastyqtar, kerýetter, ydys-aıaqtar men dári-dármekter bar.

«Aktsııaǵa adamdar belsene qatysty. Sebebi olar bolashaqta ózimizdiń jaǵdaıymyz qandaı bolatynyn jiti túsinedi. Bul taýarlar olardyń qaıǵylarynyń ornyn baspas, biraq dál qazir olarǵa eń keregi solar», - dedi ol.

R.Qaldybaevanyń sózine qaraǵanda, bul birinshi jáne sońǵy aktsııa emes. Eger ózgeniń qaıǵysyna beı-jaı qaramaıtyn azamattar tabylyp jatsa qala ákimdigi aktsııany jalǵastyratynyn aıtty.

Gýmanıtarlyq júk BQO-da qurylǵan shtabqa tapsyrylady, keıin olar batysqazaqstandyqtarǵa beriledi.