Astana qalasynan Aqtaýǵa qatań tártiptegi kolonııadan sottalýshylardyń qashyp ketýiniń jaı-japsaryn tergeý úshin arnaıy komıssııa júrip ketti
ASTANA. Maýsymnyń 24-i. QazAqparat /Murat Jákeev/ - QR Bas prokýratýrasynyń arnaıy ókili, sonymen qatar QR Ádilet mınıstrligi men ózge de quqyq qorǵaý organdarynyń ókilderi búgin Astanadan Aqtaý qalasyna qaraı jol tartty. Arnaıy komıssııa maýsymnyń 22-inde qatań tártiptegi kolonııadan sottalýshylardyń qashyp ketýiniń jaı-japsaryn tergeý jumysyna aralaspaq.
Bul týraly Astana qalasynda ótkizilgen baspasóz máslıhatynda QR Bas prokýratýrasynyń resmı ókili Nurdáýlet Súıindikov habarlady.
Eske sala keteıik, búgin elordamyzda bolǵan kezdesý kezinde Memleket basshysy Nursultan Nazarbaev QR Bas prokýrory Qaırat Mámıge Aqtaý qalasyndaǵy sottalǵandardyń jappaı qashýyna baılanysty jaǵdaıdy tergeýdi óziniń jeke baqylaýyna alý týraly tapsyrma bergen edi. Búgin oqıǵa oryn alǵan aımaqqa Q.Mámıdiń tapsyrmasymen QR Bas prokýratýrasynyń arnaıy ókili júrip ketti.
Osyǵan deıin habarlanǵandaı, QR Bas prokýratýrasy sottalǵandardyń jappaı qashý oqıǵasyna baılanysty úsh qylmystyq is qozǵaǵan edi: qashyp ketken sottalǵandarǵa qatysty, kúzetshige jasalǵan qastandyq úshin jáne kolonııanyń laýazymdyq tulǵalarynyń óz isine salǵyr qaraýyna baılanysty.
N.Súıindikov habarlaǵandaı, qazirgi ýaqytta «13 adamǵa izdeý salyndy, olardyń qaı jerde jasyrynyp júrgeni belgisiz».
