Astana qalasy Jol polıtsııasy basqarmasynyń tirkeý-emtıhan alý bólimshesi ashyldy
ASTANA. Shildeniń 15-i. QazAqparat - Búgin 2010 jyldyń 15 shilde kúni Jańajol, 6 mekenjaıy boıynsha ornalasqan Astana qalasynyń Jol polıtsııasy basqarmasynyń tirkeý-emtıhan alý bólimshesi ashyldy, dep habarlady vedomstvonyń baspasóz qyzmeti.
Jańa tirkeý-emtıhan alý bólimshesiniń usynylǵan qyzmet kórsetý aýqymy men kesheni boıynsha Qazaqstandaǵy jalǵyz ortalyq ekenin atap ketken abzal. Onyń eń bir artyqshylyqtarynyń biri - ol qujattardy qabyldaý jáne berý boıynsha kezekti elektrondy basqarý bolyp tabylady. Endi kelýshilerdiń operatsııalyq terezeden óz kezegin izdeýdiń nemese kezekte turýdyń qajeti joq.
Tirkeý-emtıhan alý bólimshesiniń kire berisinde dıspleıimen arnaıy termınal ornatylǵan. Klıent dıspleıden ózine qajetti operatsııany tańdap, nómirimen jeton alyp, kondıtsıonerler men telearna ekrandy júıesimen jabdyqtalǵan kútý zalynda jaryqtanyp janatyn tablodan óz kezegin kútetin bolady. Týra osyndaı ekran bir qabat tómen ornalasqan ashanada da bar, onda kelýshilerdiń áldenip alýlaryna bolady. Kelýshilerdiń kezegi jaqyndaǵan kezde nómiri jaryqtanyp shyǵyp, operatsııalyq ústelde ornalasqan elektrondy dıspleıde de nómiri jaryqtanyp shyǵatyn bolady. Sonymen qatar belgili nómirimen shaqyrý jaǵdaıy dınamık arqyly estiletin bolady.
Jańa tirkeý-emtıhan alý bólimshesi "bir tereze" tártibinde qyzmet kórsetetin bolady, munda aldyńǵy Táýelsizdik, 18 jáne Tsıolkovskıı kósheleri boıynsha ornalasqan eki tirkeý bólimsheleriniń kólik quraldaryn tirkeý jáne júrgizý kýálikterin alý sııaqty mindetteri aralasqan. Sondaı-aq, jańa tirkeý-emtıhan alý bólimshesinde emtıhan synyby men sýret stýdııasy ornalasqan. Azamattarǵa qyzmet kórsetý jaǵdaılaryn ońtaılandyrý maqsatynda, tólemder men ákimshilik aıyptardy elektrondy tóleý úshin arnaıy termınal ornalastyrylǵan, ol adam faktory men sýbektıvti máselelerdi joıa otyryp, kelýshilerdiń barlyq esep boıynsha qajetti kórsetkishterin shuǵyl alýǵa múmkindik beredi. Sondaı-aq, kelýshilerge kómek kórsetý úshin tirkeý-emtıhan alý bólimshesiniń keńesshileri men basqa da kompanııalardyń keńesshileri jumys isteıtin bolady. Shamamen 300 sharshymetrlik alańymen arnaıy ǵımarat, azamattarǵa barynsha yńǵaıly bolý úshin jabdyqtalǵan, kútý zalynyń barlyq qabyrǵalarynda anyqtamalyq jáne nasıhattaý aqparattary ilingen, osy jańa tirkeý-emtıhan alý bólimshesiniń aýmaǵynda kólikterdiń nómirleri men agregattaryn salystyryp tekserý úshin, 50 kólikti ornalastyryp qoıýǵa arnalǵan baıqaýdan ótkizý alańy ornalasqan.
