Astana qalasy sottarynyń ádil sotty atqarýy men azamattardyń olarǵa degen senimdilik deńgeıi laıyqty deńgeıde - S.Abdýllaev
ASTANA. 18 shilde. QazAqparat - Aǵymdaǵy jyldyń І jartyjyldyǵynda elordada 20 563 qylmystyq, azamattyq jáne ákimshilik is ýaqtyly qaraldy.
Astana qalasy sottarynyń ádil sotty atqarýy men azamattardyń olarǵa degen senimdilik deńgeıi laıyqty deńgeıde qalyp otyr. Sottardyń 2011 jyldyń І jartyjyldyǵyndaǵy jumys qorytyndysyna arnalǵan keńeıtilgen keńeste qalalyq sottyń tóraǵasy Sáken Abdýllaev osyndaı málimdeme jasady, dep habarlady vedomstvonyń baspasóz qyzmetinen.
«Ótken jyldyń sáıkes kezeńimen salystyrǵanda, bıyl qylmystyq ister boıynsha aryz-shaǵymdar az túsken. Qylmystyq ister boıynsha sýdıalardyń úkimderine 7 shaǵym-aryz tústi, biraq olardyń eshqaısysy rastalǵan joq», - dedi S.Abdýllaev óz sózinde.
Keńes jumysyna Joǵarǵy sot tóraǵasy Bektas Beknazarov, Joǵarǵy sot janyndaǵy Sottardyń qyzmetin qamtamasyz etý departamentiniń jetekshisi Baýyrjan Jumaǵulov, Astana qalasy sottarynyń sýdıalary, aýdandyq jáne olarǵa teńestirilgen sottardyń tóraǵalary men sýdıalary qatysty.
Tártiptik-biliktilik alqasy men sýdıa etıkasy jónindegi komıssııalardyń tóraǵalary R.G.Bolatova, M.S.Qaldyǵulov jáne t.b. sýdıadar óz jumystary týraly baıandama jasady.
