Astana qalasy Saryarqa aýdanynyń №2 soty QR burynǵy densaýlyq saqtaý mınıstri J.Dosqalıevti 2 aıǵa deıin qamaýda ustaýǵa ruqsat berdi - QR Qarjy polıtsııasy
ASTANA. Qazannyń 12-si. QazAqparat /Qalamqas Ábýova/ - Dúısenbi, qazannyń 11-i kúni QR qarjy polıtsııasy organdary burynǵy densaýlyq saqtaý mınıstri Jaqsylyq Dosqalıevke bılikti asyra paıdalanǵany jáne asa iri mólsherde para alǵany týraly aıyp taqty,
dep habarlaıdy Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres departamentiniń baspasóz ortalyǵy.
Aǵymdaǵy jylǵy qazannyń 12-si kúni aıyptalýshyǵa qatysty «qamaýǵa alý» sharasy týraly ótinish berilip, prokýratýra organdary onymen tolyqtaı kelisti.
Sol kúni Astana qalasy Saryarqa aýdanynyń №2 soty Dosqalıevti qamaýǵa alýǵa ruqsat berdi (2 aı merzimge deıin).
Aıyptalýshy Astana qalasynyń tergeý oqshaýlaý orynyna aýystyrylady. Tergeý múddesi úshin basqa aqparat jarııa etilmeıdi, dep habarlady QR Qarjy polıtsııasy.
