Astana qalasy Saryarqa aýdandyq prokýratýrasy qoǵamdyq qabyldaý uıymdastyrdy
ASTANA. 24 aqpan. QazAqparat /Arman Asqarov/ - Búgin «Nur Otan» Halyqtyq-demokratııalyq partııasynyń Astana qalalyq fılıalynda Saryarqa aýdany prokýratýrasynyń bastamasymen «Ashyq esik» is-sharasy uıymdastylyp,
zań salasyndaǵy kásibı mamandar qala azamattaryn san alýan máseleler boıynsha qabyldady.
Astana qalasy Saryarqa aýdanynyń prokýrory Nurdáýlet Súıindikovtiń aıtýynsha, atalǵan is-shara qala turǵyndaryna quqyqtyq, turǵyn-úı, sot jáne taǵy basqa kókeıkesti máselelerdi sheshýge múmkindik bermek. «Sebebi búgingi is-sharaǵa Astana qalasy aýdandyq Іshki ister basqarmasy, Sot aktilerin oryndaý, baqylaý jáne áleýmettik qorǵaý, tabıǵı monopolııalardy retteý departamentteri, sondaı-aq qala ákimidiginiń basshylyǵy ókilderi qatysýda. Osynyń arqasynda qala turǵyndary ózderiniń máselelerin sheship qana qoımaı, ózge de problemalar boıynsha kásibı keńes ala alady. Biz bolsaq, búginde halyqty kóptep tolǵandyryp júrgen máseleler boıynsha aqparat jınaqtap alamyz», - deıdi N.Súıindikov.
Qala prokýrory atap kórsetkendeı, qazirgi kezde sot sheshimderin oryndaý, eńbek zańnamasyn buzý jáne turǵyn-úı kommýnaldyq máseleler qala turǵyndaryn jıi mazalaıdy.
