Astana qalasy prokýratýrasynyń jańa ǵımaraty ashyldy
ASTANA. QazAqparat - 28 tamyzda Astana qalasy prokýratýrasynyń jańa ǵımaratynyń ashylýyna arnalǵan saltanatty rásim bolyp ótti.Oǵan Bas Prokýror Ashat Daýylbaev, quqyq qorǵaýshy jáne memlekettik organdardyń basshylary, prokýratýra organdarynyń ardagerleri men qyzmetkerleri qatysty.
Konstıtýtsııa kúniniń qarsańynda elordamyzdyń prokýrorlary qala sáýletine úılesimdi jarasyp oryn tepken qazirgi zamanǵa saı jáne jumysqa qolaıly barlyq jaǵdaılar jasalǵan tamasha ǵımaratqa ıe boldy.
Ujymdy kópten kútken qýanyshty oqıǵamen quttyqtaı kele, Bas prokýror jańa ǵımarattyń ashylýy eń aldymen Elbasynyń qadaǵalaýshy organdardyń qajettilikteri men suranystaryna, prokýratýra qyzmetkerleriniń materıaldyq-tehnıkalyq jaraqtandyrylýy men áleýmettik kepildermen qamtamasyz etilýine jasap otyrǵan turaqty qamqorlyǵynyń belgisi bolyp tabylatyndyǵyn atap kórsetti. Jınalǵandardy prokýratýra organdarynyń ardagerleri, Astana qalasy ákimdigi men ǵımarat qurylysynyń bas merdigeri «Shar-Qurylys» JShS basshylary quttyqtady, dep habarlaıdy QR Bas prokýratýrasynyń baspasóz qyzmetinen.
