Astana qalasy prokýratýrasynyń talap-aryzymen jalpy aýdany 379,99 ga jer ýchaskesi memleket menshigine qaıtaryldy
ASTANA. 9 qazan. QazAqparat - 1997 jyly Aqmola oblysy Tselınograd aýdany ákiminiń sheshimimen «Bereke» sharýa qojalyǵynyń basshysyna «sharýa qojalyǵyn júrgizý» maqsatynda turaqty jer paıdalaný quqyǵymen 607 ga aýmaqtaǵy jer ýchaskesi jáne 1997 jylǵy 24 qazandaǵy AN №0024506 turaqty jer paıdalaný (jalǵa) quqyǵyn beretin akt berilgen.
2002 jyly sharýa qojalyǵy basshysynyń qaıtys bolýyna baılanysty, atalǵan jer ýchaskesine onyń uly murager bolady.
Qazaqstan Respýblıkasy Prezıdentiniń «Astana qalasynyń shekarasyn ózgertý týraly» Jarlyǵy negizinde 2004 jyly júrgizilgen túgendeý nátıjesi boıynsha Tselınograd jáne Shortandy aýdandarynyń keıbir jerleri, onyń ishinde «Bereke» sharýa qojalyǵynyń 379,99 ga jeri qala aýmaǵyna engizilgen. Bul týraly Astana qalasy prokýratýrasynyń baspasóz qyzmeti habarlady.
2008 jyly 6 qarashada quqyq mırasqory notarıaldy túrde kýálandyrylǵan jer ýchaskesine jeke menshik quqyǵy týraly ákesiniń (qaıtys bolǵan) atyndaǵy memlekettik akt negizinde «Astana qalasy Jer qatynastary basqarmasy» MM-ge atalǵan jer ýchaskesin qaıta rásimdeý týraly ótinish berip, muragerlikke quqyq týraly kýálik alǵan.
Qarjy polıtsııasy organdary taǵaıyndaǵan sot-tehnıkalyq saraptama jalpy aýdaǵy 379,99 ga jer ýchaskesine jeke menshik quqyǵy týraly aktiniń jalǵan ekenin kórsetti. Sharýa qojalyǵynyń burynǵy (marqum) basshysy da, onyń quqyq mırasqory da turaqty jer paıdalaný quqyǵyn memleketten satyp almaǵan, sol sebepti jer ýchaskesine jeke menshik quqyǵy resimdelmeýi tıis edi, tıisinshe onyń uly atalǵan memleket menshigindegi jer ýchaskesine óz qalaýymen bılik etýge quqyǵy bolmaǵan.
2009 jyly 7 shildede atalǵan jer ýchaskesi «Kazkomplekt»ınvestıtsııalyq kompanııasy» JShS-ǵa 300 000 000 teńgege satylyp ketken, al «AstanagorNPTszem» EMK aqparatyna sáıkes atalǵan jerdiń kadastrlyq quny 6 459 830 000 teńgeni quraıdy.
Astana qalasynyń prokýratýrasy zańsyz berilgen jer ýchaskesin memleket menshigine qaıtarý maqsatynda Esil aýdandyq sotyna jeke menshik quqyǵyn beretin aktini jaramsyz dep taný, satý-satyp alý shartyn jáne ony ádilet organdarynda tirkelýiniń kúshin joıý jáne 379,99 ga jer ýchaskesin memleket menshigine qaıtarý týraly talap-aryz engizdi.
Sottyń 2012 jylǵy 27 qyrkúıektegi sheshimimen prokýratýranyń «Bereke» sharýa qojalyǵynyń basshysyna talap-aryzy tolyq kólemde qanaǵattandyryldy.
Qazirgi kezde jaýapkerdiń shaǵym berýine baılanysty sot sheshimi zańdy kúshine engen joq.
