Astana qalasy mektep bitirýshileriniń 25 paıyzy zańger-quqyqtanýshy mamandyǵyn tańdaıdy

amyzdyń 20-sy. QazAqparat /Qanat Mámetqazyuly/ - Jyl saıyn Astana qalasyndaǵy mektep bitirýshilerdiń 25 paıyzdaıy zańger-quqyqtanýshy mamandyǵyn tańdaıdy. Búgin «Qazaqstan Respýblıkasynyń Konstıtýtsııasyna 15 jyl: zańnamanyń ilgeri jetildirý» atty taqyrypta respýblıkalyq ǵylymı-tájirıbelik konferentsııasy barysynda Astana qalasy ákiminiń orynbasary Aıda Balaeva osylaı málim etti.

«Búgingi kúni eldegi áleýmettik-turmystyq máselelerdi azamattyq qoǵam ınstıtýttary arqyly sheshýdiń úles salmaǵy jyl saıyn arta túsýde. Bir ǵana mysal jylyna 20 myńnan astam elorda halqy qoǵamdyq uıymdar arqyly máselelerin sheshýge múmkindik alyp keledi. Bunyń ishinde úkimettik emes uıymdar arqyly 10 myńnan astam turǵyn áleýmettik kómekpen qamtylady. Bulardyń qataryna zańdyq-quqyqtyq keńesterdi, qaıyrymdylyq sharalaryn, túrli aktsııalardy qosýǵa bolady. Árıne, Ata zańdy qasterleý búgingi kúnniń ǵana mindeti emes, bul jyldardan jyldarǵa jalǵasatyn, ǵasyrdan ǵasyrǵa tabystalatyn uly mura. Sondyqtan da, Ata zańdy qurmetteýdi eń aldymen mektep qabyrǵasynan bastaý qajet», dedi ákim orynbasary. Onyń aıtýynsha, jas býyn úshin konstıtýtsııalyq quqyq, quqyqtyq erkindik, quqyqtyq qorǵaý syndy túsinikter qasterli uǵymǵa aınalyp otyr. Bul elimizdiń táýelsiz el retinde qol jetkizgen eń basty qundylyqtary

«Búgingi kúni bilim talapkerleriniń basym bóligi zańger-quqyqtanýshy mamandyqtaryna tańdaý jasaıtyny belgili. Astana qalasy boıynsha bul kórsetkish mektep bitirýshilerdiń 25 paıyzyn quraıdy. Bul bolashaq bilikti zańgerler armııasynyń qalyptasyp kele jatqanyn dáleldeıdi», - dedi A. Balaeva.