Astana qalasy máslıhatynyń jańa hatshysy saılandy
TANA. 7 qyrkúıek. QazAqparat /Gúlmıra Alıakparova/ - Ermek Ospanov Astana qalasy máslıhatynyń jańa hatshysy bolyp saılandy.
Búgin Astana ákimi Imanǵalı Tasmaǵambetovtyń qatysýymen qalalyq máslıhattyń kezekten tys 69-shy sessııasy ótti.
Elorda máslıhaty apparatynyń jetekshisi Vera Pytevanyń aıtýynsha, onyń barysynda 2011 jyldyń 19 tamyzynda Astana qalasynan QR Parlamenti Senatyna depýtat bolyp saılanǵan elordalyq máslıhattyń hatshysy Vladımır Redkokashınniń depýtattyq ókilettigi merziminen buryn toqtatylyp, ol máslıhattyń hatshysy laýazymynan bosatyldy.
Sessııaǵa qatysqan 22 depýtattyń biraýyzdan daýys berýimen Astana qalalyq máslıhatynyń jańa hatshysy bolyp máslıhat depýtaty Ermek Ospanov saılandy.
V.Pyteva atap kórsetkendeı, E.Ospanov óziniń negizgi qyzmeti «Astana-Tazalyq» JShS-nyń dırektory qyzmetinen bosatylatyn bolady.
Sondaı-aq máslıhattyń 69-shy sessııasynda: Astana qalasynyń tekserý komıssııasynyń múshelerin taǵaıyndaý týraly; Astana qalasynyń aýmaǵynda keń taralǵan paıdaly qazbalardy barlaýǵa nemese óndirýge arnalǵan jer qoınaýyn paıdalaný quqyǵyn berý jónindegi komıssııanyń quramy týraly; Astana qalasy máslıhatynyń 2006 jylǵy 14 jeltoqsanyndaǵy «Astana qalasy ákimdigi janyndaǵy turǵyn úı komıssııasynyń quramy týraly» sheshimine ózgerister engizý týraly; Astana qalasy máslıhatynyń 2010 jylǵy 28 mamyryndaǵy «Astana qalasynda jer ýchaskelerin berý jónindegi komıssııanyń quramy týraly» sheshimine ózgerister engizý týraly máseleler qaraldy.
