Astana qalasy mańyndaǵy turǵyn úı alabyna avtobýs qatynasy shekteldi
ASTANA. QazAqparat - Astana mańyndaǵy "Lesnaıa polıana" turǵyn úı alabynyń turǵyndaryna avtobýs qatynasynda oryn alǵan ózgerister eskertildi, dep habarlaıdy KazAqparat.
"Erteńnen bastap jóndeý jumystary júrgizilýine baılanysty "Lesnaıa polıana" turǵyn úı alabyna avtobýstardyń qatynaýy shekteledi", - dep málimdedi "Astana LRT" kompanııasynyń baspasóz qyzmeti.
Osylaısha, №302, 303 baǵyttaryndaǵy avtobýstar "Lesnaıa polıana" turǵyn úı alabyna aparatyn jergilikti ótpe jolǵa kirmeı, Respýblıka kóshesimen júretin bolady.
Baǵyttardaǵy qozǵalystyń qalpyna kelýi týraly aqparatty kompanııa qosymsha habarlaıdy.
