Astana qalasy mańyndaǵy eldi mekenderdi damytý jospary aldaǵy bıýdjetke enbeı otyr - S. Jalmaǵambetova
ASTANA. 7 jeltoqsan. QazAqparat /Qanat Mámetqazyuly/ - Astana qalasynyń mańyndaǵy eldi mekenderdi damytý jospary aldaǵy bıýdjetke enbeı otyr.
Búgin QR Parlamenti Senatynyń jalpy otyrysynda Úkimet basshysynyń atyna saýal joldaǵan senator Svetlana Jalmaǵambetova osylaı málim etti.
«Meni Astana qalasynyń mańyndaǵy Aqmola oblysyna qarasty eldi mekenderdi damytýdyń 2011-2014 jyldarǵa arnalǵan áleýmettik-ekonomıkalyq damýynyń keshendik josparynyń atqarylý barysy alańdatady. Keshendi josparǵa sáıkes, 2012 jyly respýblıkalyq bıýdjet esebinen 30 shara júzege asýy tıis edi. Alaıda, bıýdjetke bunyń tek úshten biri ǵana enip otyr», - deıdi S. Jalmaǵambetova.
Senatordyń aıtýynsha, 2012 jylǵa eldi mekenderdi elektrmen jabdyqtaýdyń bir de bir jobalary engizilmegen. Al keshendi josparda 2012 jylǵa 1,83 mlrd. teńge qarastyrylýy tıis edi. Budan bólek, eldi mekenderdiń jol jelilerine qajetti 2,625 mlrd teńge de bólinbeı otyr. «Osyndaı olqylyqtardyń saldarynan ásem Astananyń mańyndaǵy sońǵy 10 jylda boı túzgen úıler jaryqsyz, jolsyz qalǵan. Buǵan basa nazar aýdarylýy kerek», - dedi S. Jalmaǵambetova.
