Astana qalasy: qazannyń 15-ine deıin Muńaıtpasov kóshesinde avtokólik qozǵalysyna shekteý qoıylady
ASTANA. Shildeniń 15-i. QazAqparat /Marlan Jıembaı/ - Jol jóndeý jumystarynyń bastalýyna oraı shildeniń 16-synan qazannyń 15-ine deıin elordanyń Mırzoıan kóshesimen bir baǵytta qozǵalys qaldyrylyp,
Abylaı han dańǵylynan Táýelsizdik dańǵylyna deıin Qajymuqan Muńaıtpasov kóshesinde avtokólik qozǵalysy shekteledi. Bul týraly búgin Astana qalalyq jolaýshylar kóligi jáne avtomobıl joldary basqarmasynyń bastyǵy Rashıd Amanjolov málim etti.
«Qazir biz Muńaıtpasov kóshesin jóndeý jumystaryn bastaımyz. Ol Azıadaǵa qajet ári qala úshin óte mańyzdy. Ýaqytymyzdyń tyǵyz bolýyna oraı biz qozǵalys rejimi úshin jabyq kúıde salamyz. ıAǵnı Abylaı han dańǵylynan Táýelsizdik dańǵylyna deıin qozǵalysqa shekteý qoıylady. Ol jóndeýden ótkennen keıin 4 jolaqtan 6-y jolaqty jolǵa aınalady», dedi basqarma bastyǵy.
R.Amanjolovtyń atap ótýinshe, jóndeý jumystary respýblıkalyq bıýdjetten qarjylandyrylady jáne oǵan 3 mıllıard teńgeden astam qarjy ketedi. Negizgi shyǵyndar ınjenerlik jelilerdiń aýystyrylýyna baılanysty bolyp otyr.
Jyl basynan beri Astanada uzyndyǵy 33 shaqyrymdy quraıtyn 15 kóshe jóndeldi. Ekinshi jartyjyldyqta da birqatar kósheni jóndeý josparlanyp otyr. Atap aıtqanda, tamyzdyń 20-na deıin Abaı kóshesinde (Pýshkınnen Ýálıhanov kóshesine deıin), tamyzdyń 30-yna deıin Máskeý kóshesinde (Potanınnen Tilendıev kóshesine deıin), tamyzdyń 15-ine deıin Dýlatov kóshesinde (Baıtursynovtan Ýshakov kóshesine deıin) qozǵalysqa shekteý qoıylady. Sonymen qatar Qonaev, Dostyq, Syǵanaq jáne Seıfýllın kósheleri jóndeletin bolady.
