Astana qalasy ekonomıkalyq sotynyń sýdıasy 6 jylǵa bas bostandyǵynan aıyryldy
ASTANA. QazAqparat - 2013 jylǵy qarashada Qarjy polıtsııasy agenttiginiń qyzmetkerleri jedel-izdestirý sharalarynyń nátıjesinde Astana qalasynyń mamandandyrylǵan aýdanaralyq ekonomıkalyq sotynyń sýdıasy A.Kenjaevtyń azamattyq is boıynsha jaǵymdy sheshim shyǵarý úshin kásipkerden 750 myń teńge kóleminde para alý faktisin anyqtaǵan bolatyn.
Bul týraly Qarjy polıtsııasynyń baspasóz qyzmeti habarlady.
2013 jylǵy 12 qarashada bul fakt boıynsha Qarjy polıtsııasy agenttiginiń jedel-izdestirý materıaldarynyń negizinde QR Bas prokýrory qylmystyq is qozǵady.
Osy jylǵy 24 shildede Astana qalasy Almaty aýdandyq soty Kenjaevty para alýǵa kináli dep taýyp, oǵan 6 jylǵa bas bostandyǵynan aıyrý túrindegi jaza taǵaıyndady.
