Astana qalasy boıynsha memlekettik baǵdarlama aıasynda páter alýǵa úmitti dep tabylǵan azamattardyń tizimi jarııalandy

dep habarlaıdy QazAqparat.

Qazaqstan Respýblıkasyndaǵy turǵyn úı qurylysynyń 2008-2010 jyldarǵa arnalǵan memlekettik baǵdarlamasy iske asyrý úshin Astana qalasy ákimdigi janyndaǵy arnaıy qurylǵan komıssııa óz qorytyndysyn shyǵardy. Atalǵan komıssııa barlyǵy 28 myńnan astam úmitkerdiń ótinishin qarastyrǵan. Bul kórsetkish baǵdarlamada josparlanǵan 5 myń 612 qoljetimdi páterden birneshe ese kóp ekeni anyq.

Memlekettik qyzmetshiler sanatyndaǵylardyń tizimine 2 myń 115 adam engen. Memlekettik qyzmetshiler bolyp tabylmaıtyn memlekettik mekemeler qyzmetkerleriniń 1 myń 33-i páter alý múmkindigine ıe bolǵan.

Sondaı-aq memlekettik kásiporyndar qyzmetkerleri arasynda 1 myń 180 adam atalǵan baǵdarlama boıynsha tizimge engizilgen.

Sonymen qatar 1 myń 184 jas shańyraq qurǵan astanalyqtar «Balalary bar jas otbasylar» sanaty boıynsha qoljetimdi turǵyn úıden páter alý quqyǵyna ıe boldy.

Memlekettik baǵdarlama aıasynda páter alýǵa úmitti jandardyń tizimi búgin elordalyq «Astana aqshamy» jáne «Vechernıaıa Astana» gazetterinde jarııalandy.