Astana qalasy aýmaǵynda «Zorlyq-zombylyqsyz otbasy» respýblıkalyq aktsııasy ótkizilýde

Bul oraıda Astana qalalyq ishki ister departamentiniń qyzmetkerleri memlekettik organdar men qalanyń qoǵamdyq qurylymdary ókilderimen birlesip otbasy-turmystyq qarym-qatynasta quqyq buzýshylyqty boldyrmaý, otbasyndaǵy sátsizdikti anyqtaý, zorlyq-zombylyqqa ushyraǵan otbasy múshelerine psıhologııalyq, pedagogıkalyq, quqyqtyq kómek kórsetý maqsatynda aldyn alý sharalaryn júrgizdi, dep habarlaıdy baspasóz qyzmetinen Áıgerim Muqanova.

Qoǵamdyq qaýipsizdik qyzmetkerleri qoǵamdyq jerlerde qala turǵyndary arasynda otbasylyq zorlyq-zombylyq kezinde qandaı sharalar qoldaný kerektigi jónindegi jadynamalar taratyp, túrli suraqtardaǵy saýalnamalar júrgizdi.

Astana qalalyq Іshki ister departamenti Qoǵamdyq qaýipsizdik basqarmasy bastyǵynyń orynbasary, polıtsııa polkovnıgi Nurlan Turmanov: «Úıdegi zorlyq-zombylyqtyń shegi bolmaıdy. Ondaı jaǵdaılar eri men áıeli arasynda, burynǵy erli-zaıyptar arasynda, otbasynyń eresek músheleri men balalar arasynda, balalar men olardyń bıologııalyq ata-analarynyń biriniń jańa jubaılary arasynda, bir jynysty juptar arasynda, ata-analar men balalar arasynda, ata-analar men asyrap alǵan balalar arasynda, bir aýyz sózben aıtqanda kez-kelgen otbasylyq ortada bola beredi. Alaıda, áıel quqyqtary adam quqyqtary salasynda halyqaralyq quqyqtardyń ajyramas bir bóligi bolyp sanalady. Áıelderge qatysty kúsh kórsetý adam quqyqtarynyń buzylýy degen sóz, sondyqtan da zorlyq-zombylyqqa qarsy kúresý úshin, tipti otbasylyq aınalada bolsa da úkimet pen memlekettik organdar tıisti sharalar qabyldaýy qajet. Kúıeýi áıelin urǵany úshin memleket áıelderdiń shaǵymyn tıisti dárejede elemegendikten erkekter jaýpkershilikten sytylyp ketýi múmkin. Mundaı jaǵdaıda áıelderdiń muqtajdyǵyn eskermegendikten, memleket te kúsh kórsetýshini qoldaǵan bolyp esepteledi», - deıdi.

Saryarqa aýdandyq Іshki ister basqarmasynyń kámeletke tolmaǵandar isi jónindegi bólimi keıbir jaǵdaılary nashar otbasylarynyń úılerine baryp, reıdtik sharalar júrgizdi. Solardyń biri - Gaýflerler otbasy. Osydan 4 jyl buryn úı ıeleri ishimdikke salynyp, balalary balalar úıine ketetin halge jetken bolatyn. Saryarqa aýdany ІІB Qoǵamdyq qaýipsizdik bólimi № 25 polıtsııa bólimshesiniń kámeletke tolmaǵandar isi jónindegi ınspektory polıtsııa kapıtany Lıýdmıla Lobochkonyń kómegimen ishimdik dertinen arylyp, kip-kishkentaı úsh búldirshinin úıge qaıtardy. Búginde Gaýflerler áýleti el qatarly ómir súrip jatyr.

Saryarqa aýdany ІІB kámeletke tolmaǵandar isi jónindegi bóliminiń bastyǵy polıtsııa kapıtany Oksana Lavrıkova: «Kóp jaǵdaıda qurban bolatyn - áıelder men balalar. Jıi zorlyq-zombylyqqa egde jastaǵy áıelder ushyraıdy. Kámelekte tolmaǵandar jáne jas áıelder jıi zorlyqqa jáne buzaqylyq áreketterge tap bolady. Kún saıyn ár túrli dárejedegi denege jaraqat keltirý sııaqty qylmystyń túrleri jasalady. Negizinde bul qylmystar qoǵamǵa aýyr zardap keltiretin, otbasy-turmystyq qatynastar salasynda jasalady. Olar ózin-ózi óltirýge, spırttik ishimdiktermen áýestenýge, esirtki quraldary men psıhotroptyq zattardy qoldanýǵa ákep soǵady. Ózine-ózi qol salýǵa ıtermeleıtin sebepter men sharttardy anyqtaý maqsatynda, ózine-ózi qol salǵan tulǵalarǵa aýrýhanaǵa jáne turǵylyqty jerlerine barý boıynsha is-sharalar ótkizilýde. Áıelderdi gospıtaldaý ornynda áńgime ótkiziledi, quqyqtyq keńes kórsetilip, áıelderdiń zańdy múddesi men quqyǵynyń buzylýy jáne turmystyq zorlyq-zombylyq oqıǵa bolǵan jaǵdaıda ÁZZQjB-ne barýyn usynady. Áıelder asa aýtodestrýktıvtik jáne reaktıvti-psıhıkalyq kúıde bolǵan jaǵdaıda, olar psıhonevrologııalyq dıspanserine esepke alynady. Áıelderge qatysty zorlyq-zombylyqtyń kórinisterimen baılanysty quqyqqa qarsy áreketterdiń jasalýyna yqpal etetin sebepter men jaǵdaılardy anyqtaý jáne olardy joıý boıynsha pármendi sharalar qabyldaý maqsatynda ÁZZQjB ınspektorlarymen zorlyq-zorlyqty zerdeleıdi, zorlyq-zombylyqtyń nysandary, túrleri, tásilderi, zorlyq-zombylyqqa barynsha beıim áıelder jáne olardy jasaıtyn adamdar týraly málimetterdi qorytyndylaıdy jáne taldaıdy», - deıdi.

Aktsııa turmys salasyndaǵy, sondaı-aq qoǵamdyq oryndardaǵy áıelderge qatysty zorlyq-zombylyqtyń aldyn alý maqsatynda oqý oryndarynda, mekemelerde jáne uıymdarda aqparattyq-bilim berý dáristeri, áńgimelesýler ótkiziledi. Buqaralyq aqparat quraldary arqyly ÁZZQjB qyzmeti men turmystyq zorlyq-zombylyq máseleleri týraly jarııalaıdy. Sondaı-aq bir jynystyń ekinshi jynystan basymdyǵyna negizdelgen teris stereotıpterdi ózgertý boıynsha, spırtti ishimdikterdi asyra paıdalanýdyń, esirtki quraldaryn, psıhotroptyq jáne ózge de zattardy qoldanýdyń quqyqtyq sanaǵa teris áseri týraly, qoǵamǵa qarsy ómir saltyn ustanýdyń yqpaly boıynsha túsindirmelik jumys ótkizildi.