Astana qalasy álemdegi «TOP - 21» aqyldy qalalar tizimine endi
ASTANA. QazAqparat - Intellektýaldyq qaýymdastyq forýmynyń (AQSh) reıtıngi boıynsha Astana 2016 jyly «TOP - 21» aqyldy qalalar tizimine endi. Bul týraly elorda ákimdiginiń resmı saıtynda habarlady.
Osy kúnderi Astananyń on jyldan astam ýaqyttan beri álemdegi qalalardyń damýyn baǵalaýdy taldaýmen aınalysatyn «Top-21» aqyldy qalalardyń ICF reıtıngine engeni málim boldy.
ICF málimetterine sáıkes, bıyl «álemniń aqyldy qalalarynyń tizimi» jelilik tehnologııalar salasyndaǵy iri kompanııa Sisco-nyń burynǵy basshysy Norman Djenıks bastaǵan taldaýshylar tobymen jasalǵan.
ICF teń quryltaıshysy Djon ıÝngtiń atap ótýinshe, tizimge sandyq teńsizdik ǵasyrynda jergilikti ekonomıka men qoǵamdy qurýda sandyq quraldardy paıdalanatyn qalalar, óńirler men qaýymdastyqtar toby engen.
Reıtıngke Kanada, Taıvan, Avstralııa, Jańa Zelandııa, Reseı, Ulybrıtanııa jáne AQSh elderinen birqatar qalalar enip otyr. Endi olar «TOP-7» aqyldy qalalardyń qataryna enýge umtylady, onyń nátıjelerin 2017 jyly aqpan aıynda Taıpeı qalasynda jarııalaý josparlanǵan.
Eske salaıyq, eki jyl buryn Astana Ogaıo shtatynda ótken úshinshi Aqyldy qaýymdastyqtar sımpozıýmynda (AQSh) «The Intelligent Community Forum» bedeldi reıtıngi boıynsha «TOP - 21» aqyldy qalalar tizimine engen bolatyn.
