Astana qalasy ákiminiń orynbasary taǵaıyndaldy

ASTANA. QazAqparat - Elorda basshysynyń ókimimen Aıtmuhametov Qosman Qaıyrtaıuly Astana qalasy ákiminiń orynbasary bolyp taǵaıyndaldy.

Q. Aıtmuhametov tirshilikti qamtamasyz etý jáne ınfraqurylymdy damytý máselelerine jetekshilik etedi energetıka, sýmen qamtý, gazben qamtý uıymdarynyń jumysyn úılestirýdi, tirshilikti qamtamasyz etý, qorshaǵan ortany qorǵaý jáne tabıǵat paıdalaný salalarynda óńirlik baǵdarlamalardyń oryndalýyn qamtamasyz etýdi júzege asyrady, dep habarlady ákimdiktiń resmı saıtynan.

Búgin apparattyq keńes barysynda Ádilbek Jaqsybekov jańa qala basshysynyń orynbasaryn ujymǵa tanystyrdy. Elorda ákimi burynǵy qala basshysynyń orynbasary Vasılıı Krylovqa atqarǵan qyzmeti úshin alǵys bildirdi jáne jańa qyzmetinde tabys tiledi.