Astana qalasy ákiminiń Kýbogy úshin pikirsaıys týrnıri ótti
ASTANA. Qazannyń 20-sy. QazAqparat /Arman Asqarov/ - Keshe, qazannyń 19-y kúni Qazaq kólik jáne kommýnıkatsııalar akademııasy janyndaǵy Aqmola kolledjiniń ǵımaratynda «Eýropadaǵy qaýipsizdik jáne yntymaqtastyq uıymy jáne Astana qalasynyń halyqaralyq ımıdji» taqyrybyna arnalǵan Astana qalasy ákiminiń Kýbogy úshin pikirsaıys týrnıriniń aqtyq oıyndary ótti.
Qyzyqty da tartysty ótken pikirsaıys barysynda úkimet tarapynan «Qazaqstan», al oppozıtsııa jaǵynan «Men jáne ol» komandasy ózara synǵa tústi. Qatysýshylar «Astana beıbitshilik pen kelisim qalasynyń brendin damytý mehanızmin usynady» degen taqyryp aıasynda pikirtalas ótkizip, ózderiniń sheshendik ónerlerin pash etti. Ádil qazylar alqasynyń sheshimine sáıkes Mereı Ermuhanov pen Araılym Orynbaeva quramyndaǵy «Men jáne ol» komandasy birinshi oryndy, Farıza Dúısenbaeva men Nurken Mahambetovtiń «Qazaqstan» komandasy ekinshi orynǵa ıe boldy.
Týrnır barysynda buǵan deıin aqtyq syndaryn aıaqtaǵan orys lıgasy komandalaryn marapattaý rásimi ótti. Bul lıgada birinshi oryn jáne Astana qalasy ákiminiń Kýbogy «Insaıd» komandasyna buıyrdy.
