Astana qalasynyń zeınetkerleri shıpajaıǵa joldamany qalaı ala alady

ASTANA. KAZINFORM — 2025 jyly Astanada 6 myńnan astam zeınetker sanatorly-kýrorttyq em alýǵa múmkindik alady. Jeńildikpen beriletin joldamanyń alý joldaryn Jumyspen qamtý jáne áleýmettik qorǵaý basqarmasy túsindirdi. 

Resmı derekterge sáıkes 2024 jyly 5467 zeınetkerlerge em sharalaryn alý usynylǵan.

Sanatorly-kýrorttyq em alýǵa quqyly tulǵalar:

Astanada tirkelgen jáne turatyn jasyna baılanysty zeınetkerler;

Eń tómengi mólsherdegi zeınetaqy alatyndar;

Ekinshi dúnıejúzilik soǵys ardagerleri, basqa memleketter aýmaǵyndaǵy jaýyngerlik is-qımyldarǵa qatysqandar jáne olarǵa teńestirilgen tulǵalar, tyl eńbekkerleri, 1986 jylǵy jeltoqsan oqıǵalarynyń qatysýshylary arasyndaǵy saıası qýǵyn-súrgin qurbandary.

Sanatorly-kýrorttyq emdelý qajet dep tanylǵan múmkindigi shekteýli jandar tólemnen bosatylady.

2025 jyly qoljetimdi úsh sanatorıı bar:

«Zari» (Túrkistan oblysy, Saryaǵash aýdany);

«Aısha-Bıbi» (Taraz qalasy);

«Qatarkól» (Aqmola oblysy, Býrabaı aýdany).

Sondaı-aq birge.astana.kz saıty arqyly onlaın ótinish bere alasyz, ETsQ (elektrondyq tsıfrlyq qoltańba) qajet.

Qoljetimdi kúndi tańdaý kerek. Joldamalar sanatorıılermen kelisilgen naqty ornalastyrý kúnderi boıynsha beriledi. Qazirgi ýaqytta kezek joq.

«Qatarkól» sanatorııi boıynsha qabyldaý kúntizbesi:

Naýryz, sáýir, mamyr — 3 aqpannan bastap;

Maýsym, shilde, tamyz — 2 mamyrdan bastap;

Qyrkúıek, qazan, qarasha, jeltoqsan — 1 tamyzdan bastap.

Kezekke jazylǵannan keıin, joldama 15 kún qalǵanda beriledi.

Mekenjaı: Astana qalasy Beıbitshilik kóshesi, 9.

Ózimen birge emhana bergen sanatorly-kýrorttyq karta kóshirmesin ala barý qajet.

Mańyzdy eskertý: Joldamany basqa tulǵaǵa berýge tyıym salynady.

Aıta keteıik, buǵan deıin Petropavlda balalar lagerin sanatorly-kýrorttyq keshenge aınaldyrýǵa 2,5 mlrd teńge jumsalǵanyn jazǵanbyz.