Astana qalasynyń ákimi Ózbekstan elshisimen kezdesti
ASTANA. KAZINFORM – Astana qalasynyń ákimi Jeńis Qasymbek Ózbekstan Elshisi Bahtıer Ibragımovpen kezdesti. Bul týraly Dunyo aqparat agenttigi jazdy.
Astana ákimi Ózbekstan men Qazaqstan prezıdentteriniń saıası erik-jigeriniń arqasynda ekijaqty qarym-qatynastar tolyq strategııalyq áriptestik pen odaqtastyq deńgeıine kóterilgenin basa aıtty.
– Biz elderimizdiń basshylary qol jetkizgen ýaǵdalastyqtardy jáne aldymyzǵa qoıylǵan barlyq mindetterdi júzege asyrý úshin barynsha kúsh salýymyz kerek, – dedi Jeńis Qasymbek.
Kezdesý barysynda ekijaqty is-sharalardyń kestesi, atap aıtqanda, Astana qalasy ákiminiń Tashkentke issaparyn uıymdastyrý, Samarqand qalasynda bolyp ótetin Qazaqstan men Ózbekstan arasyndaǵy Óńir basshylary keńesine Astana qalasy delegatsııasynyń qatysýy jáne basqa da máseleler boıynsha pikir almasyldy.
Sonymen qatar, 2025 jylǵa arnalǵan yntymaqtastyq josparlaryna, Tashkent qalasy ákimshiligi men Astana qalasynyń ákimshiligi arasynda 2025-2027 jyldarǵa arnalǵan «Jol kartasyna» qol qoıýǵa, Ózbekstan astanasynda Astananyń mádenı kúnderin ótkizýge nazar aýdaryldy.
