Astanadan Şýchınsk qalasyna deıin kólik qozǵalysy shekteldi

ASTANA. KAZINFORM — Aqmola oblysynda aýa raıyna baılanysty respýblıkalyq joldar jabyldy, dep habarlaıdy «QazAvtoJol» UK baspasóz qyzmeti.

— 2026 jylǵy 5 aqpan saǵat 17:00–de aýa raıynyń nasharlaýyna baılanysty respýblıkalyq mańyzy bar «Astana — Kókshetaý — Petropavl — RF shekarasy» avtojolynyń 18-232 shaqyrym aralyǵynda (Astana qalasynan Şýchınsk qalasyna deıin) barlyq kólik túrleriniń qozǵalysyna ýaqytsha shekteý qoıylady. Joldy 2026 jylǵy 6 aqpan saǵat 09:00–de ashý josparlanǵan, — delingen habarlamada.

Aıta keteıik, 1403 baılanys ortalyǵyna habarlasyp, táýlik boıy qosymsha aqparat alýǵa bolady. 

Budan buryn QazAvtoJol qolaısyz aýa raıynda aqyly jol aqysy arzandamaıtynyn málim etken edi.