Astana qalalyq Jol polıtsııasy basqarmasy Qazaqstan halqy tilderiniń merekesin keń aýqymdy is-sharalarmen atap ótti
ASTANA. Qyrkúıektiń 22-si. QazAqparat /Gúlmıra Álıakparova/ - Búgin Astana qalalyq Jol polıtsııasy basqarmasynda Qazaqstan halqy tilderiniń merekesi keń aýqymdy is-sharalarmen atap ótildi.
Jol polıtsııasy basqarmasynyń memlekettik tildi damytý bóliminen málim etkendeı, is-sharalardyń basty maqsaty - jol polıtsııasy qyzmetinde memlekettik tilde is júrgizý, qujattardy ázirleý, memlekettik tildi kásibı tilge aınaldyrý, salalyq termınderdi qalyptastyryp, bir júıege keltirý. Sonymen birge, termınologııa salasynda talas týdyryp, ekiushty oıǵa ákep soqtyratyn sózderdiń durys balamasyn tabý bolyp tabylady.
Búgingi tańda astanalyq Jol polıtsııasy basqarmasynda memlekettik tildi oqyp úırenýge qajetti jaǵdaılar jasalǵan. Basshylyq tarapynan atalmysh salada qoldanylatyn is qaǵazdardy saýatty, ári sapaly jazý talaby únemi qoıylady.
Memlekettik tildi damytýǵa arnalǵan is-sharalardyń basy, kúndelikti tańsáride ótetin ornalastyrý-taratý kezeginen bastalady. Oǵan JPB bastyǵynyń orynbasary polıtsııa podpolkovnıgi Baqytjan Malybaev pen qalalyq Іshki ister departamentinen qonaqtar qatysty. Shara barysynda JPB memlekettik tildi damytý tobynyń aǵa ınspektory A.R.Syzdyqova, is-sharanyń maqsaty men memlekettik tildiń barlyq aımaqtyq mekemelerde is júrgizýde engizilgenin aıtyp, jol polıtsııasy basqarmasynyń da qalys qalmaýy jónindegi máselelerin sheshý joldaryn tabýdy atap ótti.
Osy kúni sondaı-aq, JPB-nyń májilis zalynda ózge ult ókilderiniń arasynda úzdik aýdarmashy saıysy ótti. Saıys sońynda jeńimpazdar dıplomdarmen jáne syılyqtarmen marapattalady.
