Astana qalalyq jer komıssııasy jeke turǵyn úı salý úshin jer telimine ótinish bergen 2245 azamatty arnaıy kezekke qoıady

Bul týraly búgin Astana qalalyq jer qatynastary basqarmasynyń bastyǵy Tóleýǵazy Núrkenov málim etti.

Onyń atap ótýinshe, 2006 jyldan bastap búgingi kúnge deıin qala boıynsha Ilınka kenti janynan 1333 jer telimi tegin berilgen. Onyń ishinde 2006 jyly 113, 2007 jyly 1120 azamat qaıtarymsyz jer telimin alǵan. Atalǵan aımaqqa jol salý, ınjenerlik ınfraqurylymyn damytýǵa bıýdjetten 10 mlrd. 700 mln teńge qarjy jumsalǵan. Jalpy, qazirgi qala boıynsha jeke turǵyn úı salý úshin jer telimine ótinish bergen 83 myńnan astam azamat arnaıy esepke alynǵan.

«Táýelsizdiktiń 20 jyldyq mereıtoıyna oraı qala ákimdigi jer telimderin beredi degen shyndyqqa janaspaıtyn áńgimelerdiń taralýy saldarynan 25 tamyzdan búgingi kúnge deıin ákimshilikke 8 myńnan astam ótinish kelip tústi. Biz ol ótinishterdiń barlyǵyn qabyldap jatyrmyz. Búgin jer komıssııasynyń otyrysynda 2245 azamattyń ótinishin kezekke qoıamyz», - dedi ol.

Onyń aıtýynsha, jer telimderi kezek boıynsha beriledi. Al ótinish bergen azamattar óz kezekterin www.aisgzk.kz saıtynan bilýlerine bolady.