Astana qalalyq Jastar máslıhaty depýtattarynyń kezekten tys saılaýy ótedi
ASTANA. Aqpannyń 8-i. QazAqparat /Jasulan Amanbaıuly/ - Aqpannyń 26-sy kúni «Nur Otan» HDP Astana qalalyq fılıalynyń Jastar máslıhaty depýtattarynyń kezekten tys saılaýy ótedi,
dep habarlaıdy QazAqparat qalalyq saılaý komıssııasyna silteme jasap.
Saılaý Qazaqstan Respýblıkasynyń Ortalyq saılaý komıssııasynyń kómegimen Astana qalasynyń joǵary jáne orta, mamandandyrylǵan kásiptik oqý oryndarynyń stýdentteriniń arasynda ótkiziletin bolady. Osy jolǵy saılaýdan keıin Jastar máslıhaty aýdandyq jáne qalalyq bolyp bólinedi.
Qalalyq saılaý komıssııasynyń tóraıymy Saltanat Álıdiń aıtýynsha, aldaǵy saılaýǵa 67-70 myń adam qatysady dep josparlanyp otyr.
Astana qalasynyń Jastar máslıhaty qalanyń 14- 29 jas aralyǵyndaǵy jastaryn biriktirip, saıasatta, ekonomıkada, áleýmettik ortada óz ornyn tabýǵa, naǵyz tulǵa retinde qalyptasýyna septigin tıgizýde.
108 belsendiler qaýymynan, 30 depýtattan quralǵan Astana qalasynyń Jastar máslıhaty bolashaq saıasatkerler mektebi negizin qazirgi kúnnen bastap qalaýda.
