Astana qalalyq TJD aýa raıyna baılanysty jumys kúnin qysqartýdy usyndy
ASTANA. QazAqparat - Astana qalalyq tótenshe jaǵdaılar departamenti kásiporyndar men uıym basshylaryn aýa raıyna baılanysty búgingi jumys kúnin qysqartýǵa shaqyrdy, dep habarlaıdy QazAqparat.
«Aýa raıynyń buzylyp, aýa temperatýrasynyń kúrt tómendeýine baılanysty Astana qalasy tótenshe jaǵdaılar departamenti memlekettik organdarǵa, bilim berý mekemelerine, kásiporyn (bazarlar, SOO), qurylys obektilerine jumys kúnin qysqartýdy usynady. «Qazgıdromet» málimetinshe, 7 aqpanda aýa temperatýrasy -32 gradýs bolady, degenmen ol -35 gradýs bolyp seziledi» delingen habarlamada.
Bul usynystyń qalanyń tirshilikpen qamtamasyz etý uıymdaryna, atap aıtqanda órt sóndirý, polıtsııa, jedel járdem jáne kommýnaldyq qyzmetterge, tótenshe jaǵdaılar departamentine qatysy joq.
Qalalyq TJD tótenshe jaǵdaı týyndaǵan jaǵdaıda «112» nómirine qońyraý shalý kerektigin eske salady.
