Astana qalalyq tabıǵı monopolııalardy retteý departamenti 36 tekserý uıymdastyryp, 9 mıllıon teńgeden astam aıyppul saldy
ASTANA. Sáýirdiń 14-i. QazAqparat /Marlan Jıembaı/ - Aǵymdaǵy jyldyń basynan beri Astana qalalyq tabıǵı monopolııalardy retteý departamenti tabıǵı monopolııalar jáne basqa da sharýashylyq sýbektileriniń qyzmetterine 36 tekserý uıymdastyryp, 9 mıllıon teńgeden astam aıyppul saldy.
Bul týraly búgin Almaty aýdandyq ákimdiginde ótken «Tabıǵı monopolııalar sýbektileri men sharýashylyq sýbektileriniń qyzmetterine tekseris júrgizý kezindegi quqyq buzýshylyqtardyń aldyn alý. Jeke jáne zańdy tulǵalardyń shaǵymdaryn qarastyrý tártibi» taqyrybynda ótken semınar-keńes barysynda atalǵan vedomstvonyń basshysy Abzal Estaev málim etti.
Onyń aıtýynsha, joǵaryda aıtylǵan tekserýlerdiń 3-eýi josparly, al 33-i jeke jáne zańdy tulǵalardyń shaǵymdary boıynsha josparsyz júzege asqan. Departament QR zańnamasynyń normalaryn buzǵany úshin birqatar sýektilerge 17 aıyppul salǵan. Máselen, «Astanaenergosbyt» JShS-ine ýákiletti organdardyń kelisiminsiz negizgi quraldardy qaıta baǵalaǵany jáne ózge qyzmetter kórsetkeni úshin 5 652 myń, retteletin qyzmet tólemderin ýákiletti organmen bekitilgen kólemnen artyq alǵany úshin 2,5 mıllıonnan astam teńge aıyppul salynǵan.
Sonymen qatar departament 2009 jyly atalǵan sýbektilerdiń qyzmetine 13 josparly jáne 24 josparsyz tekeris júrgizip, nátıjesinde 46 mıllıonǵa jýyq teńge kóleminde aıyppul kesken. Bul aıyppuldyń 35 mıllıony bıýdjetke tólengen.
Semınar-keńes barysynda sýbektilerdiń qyzmetterine tekserý júrgizý kezinde jıi kezdesetin quqyq buzýshylyqqa jol bermeý jáne jeke, zańdy tulǵalardyń shaǵymdaryn qaraý tártibi qaraldy.
