Astana qalalyq soty Z.Botabaevqa qatysty aqtaý úkiminiń kúshin joıdy
ASTANA. 5 naýryz. QazAqparat - Astana qalalyq apellıatsııalyq sot alqasy 4 naýryz kúni jańadan ashylǵan mán-jaılarǵa baılanysty qala prokýrorynyń Zaýrbek Rasılhanuly Botabaevqa qatysty aqtaý úkiminiń kúshin joıý týraly qorytyndysy boıynsha qylmystyq is materıaldaryn qarady.
Bul týraly Astana qalalyq sotynyń baspasóz qyzmetine silteme jasap QR Joǵarǵy sotynyń saıtynda habarlanǵan.
Esterińizge sala keteıik, Zaýrbek Botabaev 2010 jyldyń qyrkúıeginde Astana qalasynda «Shambala» dámhanasynyń janynda azamat Tankaıbaevqa oq atyp, ony óltirdi dep aıyptalǵan bolatyn. Astana qalasynyń qylmystyq ister jónindegi mamandandyrylǵan aýdanaralyq sotynyń 2011 jylǵy 13 qyrkúıektegi úkimimen alqabılerdiń qatysýymen Zaýrbek Rasılhanuly Botabaev kinási dáleldenbeı aqtalǵan bolatyn.
Sonymen qatar Z.Botabaevtyń 2012 jyldyń jazynda Almaty oblysy Іle-Alataýdaǵy jappaı óltirýge qatysy bolýy múmkin.
2013 jyldyń 3 qańtarynda Astana qalasynyń qylmystyq ister jónindegi mamandandyrylǵan aýdanaralyq soty jańadan ashylǵan mán-jaı boıynsha qozǵalǵan materıaldardy, tergeý óndirisine joldaý týraly qala prokýrorynyń ótinishin qanaǵattandyrdy.
«Anyqtalǵanyndaı, mańyzdy kýágerlerdiń biri (Botabaevtyń ulyn emdep jatqan dáriger), sottalýshynyń naqty qylmysqa qatysy joqtyǵynyń dálelin kórsetken túsinigi boıynsha sotta jalǵan málimdeme jasady. Kýágerdiń aıtýynsha, Botabaev Tankaıbaevty óltirý kezinde Qaraǵandy qalasynda óz ulyna ota bolyp jatqan jerinde bolǵanyn aıtty. Biraq, Botabaevqa qatysty aqtaý úkimi shyqqannan keıin, sottalýshyǵa qylmysqa qatysy joq dálelin «beıtanys kisilerdiń sotqa ákelip, ózine ǵana emes sondaı-aq januıasyna zorlyq-zombylyq jasaıtyndyǵyn aıtyp, qorqytqannan keıin, óziniń túsiniktemesin ózgertkenin aıtty», - delingen habarlamada.
Sonymen qatar, iste jańa kýáger anyqtaldy. Almaty oblysy Іle-Alataýdaǵy jappaı óltirý faktisi boıynsha júrgizilip jatqan tergeý barysynda álgi kýáger, Botabaevtyń Astana qalasynyń aýmaǵynda, Tankaıbaevty óltirgen ýaqyty men jerin sýrettep berdi.
Sotqa belgisiz bolǵan, jańadan ashylǵan mán-jaı boıynsha prokýror aqtaý úkiminiń kúshin joıý ótinishin qanaǵattandyrýdy surady.
Apellıatsııalyq alqa qaýlysymen jańadan ashylǵan mán-jaı boıynsha Botabaevqa qatysty aqtaý úkiminiń óndirisin qaıta bastaý týraly prokýrordyń ótinishi qanaǵattandyryldy. Astana qalasynyń qylmystyq ister jónindegi mamandandyrylǵan aýdanaralyq sotynyń 2011 jylǵy 13 qyrkúıektegi Botabaevqa qatysty aqtaý úkimi joıyldy. Botabaevqa qatysty qylmystyq is jańa sot pen alqabı quramymen negizgi tergeý satysyna jiberildi.
Atalǵan qaýly narazylyq bildirý men shaǵymdanýǵa jatpaıdy.
