Astana qalalyq sottar ákimshiliginiń laýazymdy tulǵasy para aldy dep aıyptalyp otyr
ASTANA. Qyrkúıektiń 9-y. QazAqparat - Astana qalalyq sottar ákimshiliginiń laýazymdy tulǵasy para aldy dep aıyptalyp otyr, dep habarlady Ekonomıkalyq qylmysqa jáne sybaılas jemqorlyqqa qarsy kúres agenttiginiń baspasóz qyzmetinen.
«Agenttiktiń Astana qalasy boıynsha departamenti QR Qylmystyq kodeksiniń 311-shi baby 4-shi tarmaǵy «a» tarmaqshasy boıynsha Astana qalalyq sottar ákimshiliginiń laýazymdy tulǵasynyń ústinen qylmystyq is qozǵady», delingen habarlamada.
Vedomstvonyń baspasóz qyzmetiniń aqparaty boıynsha, memlekettik qyzmetker jyljıtyn jáne jyljymaıtyn múlikterge salynǵan tutqyndaýdy alyp tastaý úshin bir azamattan 17 myń teńge para alǵan.
