Astana qalalyq prokýratýrasynyń 13 qyzmetkeri atqaryp otyrǵan qyzmetterine laıyq emes - attestatsııa
ASTANA. 14 qarasha. QazAqparat - Kezekten tys attestattaýdan keıin Astana qalalyq prokýratýrasynyń 8 qyzmetkeri joǵary laýazymdarǵa usynyldy.
Bul týraly búgin elordada naýqan qorytyndysyna arnalǵan baspasóz máslıhaty barysynda vedomstvonyń baspasóz hatshysy Sholpan Kóshenova málim etti.
Jalpy qala prokýratýrasynyń 166 qyzmetkeri attestattaýǵa qatysty. 153 qyzmetker nemese 91,6 paıyzy atqaryp otyrǵan laýazymdaryna laıyq dep tanyldy.
«Komıssııa 13 qyzmetkerdi nemese 8,4 paıyzyn atqaryp otyrǵan qyzmetterine laıyq emes dep sheshti. Onyń ishinde 10 qyzmetker laýazymdaryn tómendetýge, 1 qyzmetker basqa laýazymǵa aýystyrylýǵa, 2 qyzmetker prokýratýra organynan shyǵarylýǵa usynyldy», - dep atap ótti ol.
