Astana qalalyq prokýratýrasyna 1 myń 600-den astam azamat pen zańdy tulǵalardan shaǵym túsip, olardyń 176-y qanaǵattandyryldy
ASTANA. Maýsymnyń 23-i. QazAqparat /Aıdar Ospanalıev/ - Astana qalalyq prokýratýrasyna bıylǵy jyly áleýmettik-ekonomıkalyq sala boıynsha qalyptasqan túrli máseleler boıynsha 1 myń 600-den astam azamat pen zańdy tulǵalar shaǵymdanyp,
olardyń 176-nyń aryzy qanaǵattandyryldy.
Astana qalasy prokýrorynyń orynbasary Murat Muhambetqazynyń habarlaýynsha, turǵyndar ózderiniń aryzdarynda sáýlet jáne qurylys, salyq, jer zańnamalary, turǵyn úı jáne eńbek quqyqtarynyń buzylý faktileri men jalaqynyń ýaqytyly tólenbeýi sııaqty birqatar máselelerge baılanysty shaǵymdanǵan.
«Basshylyq barlyq azamattarǵa zańǵa sáıkes túsindirmeler berdi.
Aryzdardyń basym bóligi turǵyn úıge qatysty. Azamattardy turǵyn úımen qamtamasyz etýge jaǵdaı jasaý Qazaqstan Respýblıkasy Konstıtýtsııasynyń 25-shi babynyń 2-shi tarmaǵynda qarastyrylǵan. Osy rette memlekettik organdar jáne qadaǵalaý organdarynyń tarapynan únemi nazardy talap etetin jaǵdaılardy retteıtin birqatar normatıvti-quqyqtyq aktilerdi qabyldandy», deıdi prokýrordyń orynbasary.
