Astana qalalyq prokýratýrasy túzeý mekemelerindegi zańdylyqty tekserýde
ASTANA. 27 jeltoqsan. QazAqparat - «Túzeý mekemelerindegi zańdylyqty qadaǵalaý jónindegi Astana qalasynyń mamandandyrylǵan prokýratýrasy «Eńbek-Arshaly» respýblıkalyq memlekettik káspornynda eńbek zańnamasynyń saqtalýyn tekserý nátıjesinde osy mekemede jumys isteıtin 128 sottalǵan adamǵa jalaqy boıynsha bereshek qalyptasqanyn anyqtady»,-
dep habarlaıdy Astana qalalyq prokýratýrasynyń baspasóz qyzmeti.
Atalmysh mekeme Qazaqstan Respýblıkasy Eńbek kodeksiniń normalaryn buza otyryp, eki aı boıy jumysshylardyń jalaqysyn der kezinde jáne tolyq tólemegen. Osynyń saldarynan olardyń aldyndaǵy bereshek mólsheri 1 mıllıon 200 myń teńgeni quraǵan.
Anyqtalǵan zań buzýshylyqtarǵa baılanysty, mamandandyrylǵan prokýratýra «Eńbek-Arshaly» RMK basshylyǵynyń atyna zań buzýshylyqty joıý uıǵarymyn engizdi. Búgingi kúnge prokýrorlyq qadaǵalaý akti boıynsha shara qoldaný nátıjesinde mekemeniń jalaqy bereshegi tolyǵymen ótelip, sottalýshylardyń buzylǵan quqyqtary qalpyna keltirildi.
