Astana qalalyq polıtsııasy burynǵy zaıybyn benzın quıyp órtegen qylmyskerdiń sýretin jarııalady (FOTO)
ASTANA. QazAqparat - Astana qalalyq ІІD krımınaldyq polıtsııa basqarmasy asa aýyr qylmys jasaǵan Qanat Sadýovqa izdeý jarııalady. Ol elordalyq mektepte muǵalim bolyp isteıtin burynǵy zaıybynyń ústine benzın quıyp, órtep jibergen.
Eske sala keteıik, 43 jastaǵy er adam 26 mamyr kúni qylmysty oıyn júzege asyrǵan. Beti, moıyny, keýdesi men arqasynyń termııalyq kúıikterin, 2-shi jáne 3-shi dárejeli kúıik shalǵan alǵan áıel aýrýhanaǵa jetkizildi. Senbi kúni keshke ol alǵan jaraqatynan kóz jumdy.
«Sadýov Qanat Gaısauly 30.10.1972 jyly Soltústik Qazaqstan oblysy Jambyl aýdanynda týǵan. Belgileri: boıy - 175-180 sm. Kózi men shashynyń túsi - qara. Dene bitimi: aryqsha kelgen. Ústinde kúrte, beısbolka, qara tústi krossovkı bolǵan. Ol týraly qandaı da derekter belgili bolsa, ındeks 010000, Astana qalasy, Beıbitshilik kóshesi 19 meken jaıyna habarlasýdy suraımyz. Telefon: 8 (7172) 71-60-22, 71-60-29, 71-60-10, uıaly. tel: 87472277940, 87711003232».
