Astana qalalyq meshitteri qurbandyq shaldy
ASTANA. 16 qazan. QazAqparat - Qurban aıt meıramy bastaǵaly adam aıaǵy arylmaǵan «Altyn taǵa» bazaryndaǵy qımyl-qareketter búgin kúndegiden kóbeıe túskendeı. Ol zańdy da edi. Atalmysh bazarda búgin Astana qalalyq meshitteri qurbandyq shaldy.
Muslim.kz saıtynyń jazýynsha, aıtýly sharaǵa Qazaqstan musylmandar dinı basqarmasynyń tóraǵasy, bas múftı Erjan qajy Malǵajyuly da qatysyp, óz atynan iri qara maldy qurbandyqqa shaldy. Osydan keıin bazar basynda aktsııaǵa qatysýshylarǵa arnalyp jaıylǵan dastarhannan dám tatyp, batasyn berdi.
Bıylǵy Qurban aıt merekesinde Astana qalalyq meshitteri uıymdastyrýymen 80-nen astam iri qara mal, 3 túıe qurbanddyqqa shalynyp, muqtaj jandarǵa taratylýda. Osy syndy ıgi sharalar elimizdiń kóptegen jerlerinde uıymdastyrylǵanyn da aıta ketý kerek. Mysalǵa, Taldyqorǵan qalasynda Qurban aıttyń alǵashqy kúni qoǵamdyq kólikter jolaýshylardy tegin tasymaldaǵan. Bas múftı aldaǵy ýaqytta osyndaı ıgi sharalardyń kóptep uıymdastyrý kerektigin, bul kúnderdi shyn máninde ulyq merekege aınaldyrý qajettigin basa aıtty.
Mal etterin taratý sharalary Qurban aıt meıramynyń sońǵy kúni, erteńge jsoparlanyp otyr. Búgin túgeldeı múshelenip, arnaıy paketterge salynyp, erteń Aqmola oblysyn aýmaǵyndaǵy 1000-ǵa jýyq turmysy tómen muqtaj otbasylarǵa jáne Astana qalasyndaǵy stýdentter jataqhanalaryna taratylady.
