Astana qalalyq máslıhatynyń jańa hatshysy saılandy
ASTANA. 26 qańtar. QazAqparat - Astana qalalyq máslıhatynyń 5-shi shaqyrylymynyń birinshi sessııasynda máslıhat hatshysy, turaqty komıssııalarynyń músheleri men onyń tóraǵalary saılandy,
dep habarlady qalalyq ákimdiktiń baspasóz qyzmeti.
Sessııa jumysy qalalyq saılaý komıssııasynyń tóraǵasy Marat Áýbákirovtiń 2012 jyly 15 qańtarda ótken saılaýdyń qorytyndylary týraly habarymen bastaldy. Osyndan keıin ol qalalyq máslıhat depýtattaryna olardyń mártebelerin rastaıtyn kýálikter tabys etti.
Kelesi kezekte kún tártibindegi máseleler qaralyp, onda qalalyq máslıhattyń hatshysy bolyp Sansyzbaı Esilov biraýyzdan saılandy.
Máslıhattyń jańa saılanǵan depýtattarynan 4 turaqty komıssııa quryldy. Zańdylyq, quqyq tártibi jáne qoǵammen jumys komıtetin Nıkolaı Meşerıakov, Bıýdjet, ekonomıka, ónerkásip jáne kásipkerlik komıtetin Ýálıhan Dosaev, Qurylys, ekologııa, kólik, saýda jáne turǵyn úı kommýnaldyq sharýashylyǵy komıtetin Mıras Shekenov, Áleýmettik-mádenı damý komıtetin Abaı Baıgenjın basqaratyn boldy.
