Astana qalalyq qarjy polıtsııasynyń ókilderi ótken jyly 654 qylmystyń betin ashty

Bul týraly búgin 2010 jyly atqarylǵan jumystarǵa baılanysty jýrnalıstermen kezdesken atalmysh departamenttiń baspasóz hatshysy Tolqyn Nábıeva málim etti.

Onyń sózine qaraǵanda, Ekonomıkalyq qylmysqa jáne sybaılas jemqorlyqqa qarsy kúres departamentiniń ókilderi ótken jyly Memleket basshysy aldyǵa qoıǵan mindetterdi oryndaý maqsatynda basty kúshti «kóleńkeli» ekonomıkany aýyzdyqtaýǵa jumsaǵan. Sonymen qatar departament ókilderi azamattardyń quqyqtary men bostandyqtaryn qorǵaý, shaǵyn jáne orta bıznes sýbektilerin qoldaý, memleketke kelgen shyǵyndy barynsha tolyq qaıtarý, sybaılas jemqorlyqqa qarsy turý sııaqty mindetterdi basym baǵyt etip alǵan.

«Ótken jyly anyqtalǵan 654 qylmyspen birge taǵy ekonomıka men qarjy salasynda 425, sybaılas jemqorlyqpen kúres baǵytynda 92 qylmys anyqtaldy. Olardyń 285-i asa qaýipti qylmystardyń qatarynda. Qylmystyq áreketter boıynsha qolǵa alynǵan sharalardyń nátıjesinde 9,3 mıllıard teńge memleket qorjynyna qaıtty. Bizde sotqa joldanǵan qylmystyq ister sany 475-ten 534-ke deıin artty. Bul qylmystyq isterdi anyqtaý men olardy tekserý jumystarynyń sapasynyń óskendiginiń kórinisi», - dedi baspasóz hatshysy.