Astana qalalyq qarjy polıtsııasy organdary jyl basynan beri 32 qylmysty áshkereledi
ASTANA. Maýsymnyń 17-si. QazAqparat /Aıdar Ospanalıev/ - Ekonomıkalyq qylmysqa jáne sybaılas jemqorlyqqa qarsy kúres agenttiginiń Astana qalalyq departamenti jyl basynan beri 321 qylmysty anyqtaǵan.
Bul ótken jyldyń sáıkes merzimindegi kórsetkishterden aıtarlyqtaı joǵary. Bul týraly búgin jýrnalıstermen bolǵan brıfıngte departamenttiń baspasóz hatshysy Tolqyn Nábıeva aıtty.
Onyń málimetterine qaraǵanda, qalada aýyr qylmystar sany 2,3 esege artqan. Sondaı-aq sotqa joldanǵan qylmystyq ister sanyda 31 paıyzǵa kóbeıgen. «Bul qylmystardyń ashylý sapasynyń
artyp otyrǵandyǵynyń kórsetkishi. Áshkerelengen ekonomıkalyq qylmystardyń nátıjesinde memleketke 5,4 mıllıard teńge kóleminde shyǵyn kelgen. Al anyqtalǵan qylmystar boıynsha qoldanylǵan sharalardyń nátıjesinde memleket pen azamattarǵa 4,9 mıllıard teńge qaıtaryldy. Bul jalpy shyǵynnyń 91 paıyzy», dedi baspasóz hatshysy.
