Astana qalalyq Іshki ister departamentiniń ujymy qarııalarǵa arnap merekelik túski as ázirlep, kontsert uıymdastyrdy
ASTANA. 30 qyrkúıek. QazAqparat. 1 qazan - Dúnıejúzilik qarttar kúni. Qarttary bar jurttyń qazynasy bar. Olar bizge ósip kele jatqan óskeleń urpaqqa úlgi bolarlyq danagóı tulǵa, saıaly báıterek. Adam urpaǵymen máńgi jasaıdy. Búgingi kún - kesheginiń jemisi, erteńginiń órkeni.
Olardyń bizge kórsetken mol ǵıbrat, árbir jastyń júrekterinen oryn alyp, erteńgi ómir tańdaryn sáýlelendirip turatyndaı. Bizdiń mindet «úlken aldynda jas qaryzy, ata aldynda bala qaryzy - ádep pen syı demekshi» olarǵa kómek kórsetý. Bul oraıda Astana qalalyq Іshki ister departamentiniń ujymy qarııalarǵa arnap merekelik túski as ázirlep, kontsert uıymdastyrdy. Kontsertte Qazaqstan Respýblıkasynyń eńbegi sińgen ártisteri Janat Shybyqbaev jáne Qııaqbaı Asanbaev án shyrqasa, ІІD Patrýlik polıtsııa polkiniń hory men «Jiger» folklorlyq ansamblderi óz ónerlerin kórsetti.
Bul sharada Astana q. ІІD Ardagerler keńesiniń tóraǵasy Esim Tanabergenov óz kezeginde quttyqtaý sóz sóılep, elimizde aǵa urpaq ókilderin qorǵaý basty nazarda turǵanyn aıtty.
Elordalyq Departament bastyǵynyń orynbasary polıtsııa polkovnıgi Baqytjan Beıseev: «Qarttaryn ardaqtaı bilgen eldiń bosaǵasy berik, rýhy ústem» demekshi sizder elimizdiń órkendeýi men damýy úshin óz qajyr-qaırattaryńyz ben aqyl-keńesterińizdi aıamadyńyzdar. Sizderdi ómirde árqashan azamattyq pen adamgershiliktiń úlgisi, úlkenge qurmet, kishige qamqor bola bilgen azamat retinde bilemiz. Aqyly - darııa, bilimi - teńiz, ómirlik tájirıbesi mol sizderden tálim-tárbıe alǵan búgingi urpaq ózderińiz bastaǵan ıgi isterińizdi jalǵastyrýda. Sol izbasarlaryńyz sizder salǵan sara jolmen elimizdiń órkendep, gúldenýine at salysyp keledi. Sizderdi budan ári de aramyzda aqylshy, keńesshi bola júrip, elimizdiń ıgiligi úshin qoǵam ómirine belsene aralasy degen senimdemiz» - dep qarııalarymyzdy quttyqtaı otyryp, jańadan qurylǵan «Elorda» vokaldyq-estradalyq ansambldiń qoldaýymen «Starıkı» ánin tartý etti.
Elorda saqshylarymen qatar olardyń otbasy músheleri de, sonyń ishinde «Aıgólek» baıqaýynyń jeńimpazy Merýet Іslámova jáne A.Ivaşenko T.Musahmetov, Q.Tóleýov sııaqty qarııalarymyzdyń ózderi de án saldy.
Úlkendi ulyqtaý - adamzat balasyna tán qasıet. Polıtsııa qyzmetkerleriniń bir kúndik jalaqysynan jınalǵan qarajattan ishki ister organdarynyń, Uly Otan soǵysynyń ardagerlerine, olarǵa teńestirilgen tulǵalarǵa, tyl eńbekkerlerine materıaldyq kómek kórsetildi.
Qarııalar elordalyq saqshylardyń kórsetip jatqan qurmetine alǵystary sheksiz ekenin bildirdi.
