Astana qalalyq Іshki ister departamentiniń qyzmetkerleri elordada qarý qoldaný arqyly toptasyp tóbelesý áreketiniń aldyn aldy

dep habarlaıdy QazAqparat.

Qalalyq Іshki ister departamentiniń Krımınaldyq polıtsııa basqarmasy bastyǵynyń orynbasary Hasan Chýnchalınovtyń aıtýynsha, sáýirdiń 15-i kúni polıtsııa organdaryna bir top jastar arasynda qarý qoldaný arqyly tóbeles bolǵaly jatqany jóninde jedel aqparat kelip túsken. Osyǵan baılanysty tıisti sharalar júrgizgen tártip saqshylary «Qarý-2010» jedel-saýyqtyrý sharasynyń barysynda «Mersedes-140» kóligin toqtatqan. Kólik ishinde Ońtústik Qazaqstan jáne Aqmola oblystarynyń turǵyndary bolyp tabylatyn 4 adam otyrady. Al kólikti tekserý kezinde ondaǵy sport kıimderine arnalǵan sómkeden 16-shy kalıbrli 1963 jyly shyǵarylǵan ekiuńǵyly «Ij» myltyǵy men eki beısbol oıynyna arnalǵan taıaqtar tabylǵan.

Sondaı-aq kólikten 4 ret oqtalatyn «PB-41» markili jáne «OSA-lazer» tapanshasy tabyldy. Sonymen qatar kóliktegi azamattardan 16-shy kalıbrli myltyqqa arnalǵan eki oq alyndy. «Osy másele boıynsha tergeýge alynǵan kólik ishindegi jastardyń biri qarýlardyń kólikte qaıdan paıda bolǵanyn bilmeımiz dep jaltarsa, ekinshileri olardy taýyp alǵandyqtaryn aıtqan. Osy ýaqytta atalmysh is boıynsha qosymsha tekserý jumystary júrgizilip, qylmystyq is qozǵaý máselesi qarastyrylýda.