Astana qalalyq Іshki ister departamentiniń qurylymdyq bólimsheleri arasynda otbasylyq estafeta ótkizildi
ASTANA. Tamyzdyń 25-i. QazAqparat - «Halyq densaýlyǵy - ol Qazaqstannyń óziniń strategııalyq maqsattaryna jetýdegi tabysynyń ajyramas quramdas bóligi» dep Memleket basshysy N.Nazarbaev bıylǵy dástúrli Joldaýynda atap ótkenindeı, dene shynyqtyrý men sport salaýatty ómir saltyn qalyptastyrý, jastardy rýhanı tárbıeleý, azamattardyń densaýlyǵyn jaqsartýdaǵy eń mańyzdy quraldardyń biri.
Árkim óziniń densaýlyǵyna ózi jaýapty. Solaı bola tursa da búgingi kúni memleket bul máseleden shet qalyp otyrǵan joq. Qazirde Astana qalalyq Іshki ister departamenti salaýatty ómir saltyn damytý úshin túrli sporttyq sharalardy ótkizip turady.
Máselen taıaýda Qazaqstan Respýblıkasy Konstıtýtsııasynyń 15-jyldyǵyna oraı «Dınamo» dene shynyqtyrý-sport qoǵamynda Astana qalalyq Іshki ister departamentiniń qurylymdyq bólimsheleri arasynda «Ákem, anam jáne men" atty otbasylyq estafeta ótkizildi, dep habarlaıdy atalmysh vedomstvonyń baspasóz qyzmetinen Áıgerim Muhanova.
Bul sharaǵa Almaty, Saryarqa, Esil aýdandarynyń ІІB, Patrýldik polıtsııa polki, «Arlan» arnaıy maqsattaǵy bólimshesi, Jedel basqarý ortalyǵy, Tyl jabdyqtaý basqarmasynan barlyǵy 12 komanda qatysty. Bul jarystyń ereksheligi - ishki ister organdarynyń qyzmetkeri otbasymen birge saıysqa túsedi.
Komandalyq esepte 1-oryndy «Arlan» arnaıy maqsattaǵy bólimshesi jeńip alsa, ekinshi oryndy Saryarqa aýdany Іshki ister basqarmasynyń eki komandasy bólisti.
Saıystyń nátıjesinde jeńimpazdar baǵaly syılyqtarmen jáne dıplomdarmen marapattaldy.
