Astana qalalyq Іshki ister departamentiniń áıelder qaýymy mereke qarsańynda qurmetke bólendi
ASTANA. Naýryzdyń 5-i. QazAqparat /Gúlmıra Álıakparova/ - Búgin Astana qalalyq Іshki ister departamentinde naýryzdyń 8-i - Halyqaralyq áıelder kúnine arnalǵan merekelik shara ótti.
Elordalyq ishki ister qyzmetiniń áıelder qaýymyn departament bastyǵy Marat Demeýov quttyqtady, dep habarlaıdy QazAqparat.
Adal jumystary men eńbektegi jetistikteri úshin jáne aldaǵy mereke qarsańynda ІІD-niń 62 áıel qyzmetkeri Qazaqstan Respýblıkasynyń Іshki ister mınıstriniń jáne atalmysh departament basshysynyń atynan qurmet gramotalarymen marapattaldy.
Departament bastyǵy quqyq qorǵaý jáne tártip saqtaý salasynda eńbek etetin barsha áıel qaýymyn merekemen quttyqtap, olarǵa densaýlyq, sáttilik, otbasylyq jáne analyq baqyt tiledi. «Sizder polıtseılik jumystyń bar aýyrtpalyǵyn erlermen birge bólisip, solarmen birdeı aldyńǵy qatarlardan kórinesizder. Sizderdiń osy jigerli eńbekterińiz úshin shyn júrekten úlken alǵysymdy bildiremin», - dedi ol.
Aıta keteıik, búginde Astana qalalyq Іshki ister departamentinde isteıtin 3 myńnan astam adamnyń 800-ge jýyǵy - áıelder. Onyń 485-i - kópjyldyq eńbek ótilderi bar ofıtserler.
Іs-sharanyń resmı bóligi merekelik kontsertke ulasty.
