Astana qalalyq ishki ister departamentinde til mamanymen kezdesý ótti
ASTANA. Tamyzdyń 10-y. QazAqparat - «Jeke bir adam ult tilin jasaı almaıdy. Til - búkil halyqtyń ıgiligi, halyqpen birge jasap, birge damıdy. Ana tilin jaqsy bilmeıinshe, saýatty sóılep, saýatty jazyp, til baılyǵyn mol qoldanbaıynsha, shyn mánindegi mádenıetti adam atanýǵa bolmaıdy» demekshi, memlekettik til búgingi tańdaǵy ózekti máselelerdiń biri bolyp otyr.
Bul oraıda taıaýda Astana qalalyq Іshki ister departamentinde Astana qalasy ákimdigi Tilder basqarmasynyń qoldaýymen memlekettik tildi nasıhattaý aıasynda Astana medıtsına ýnıversıteti taǵamtaný jáne profılaktıkalyq medıtsına kafedrasynyń professory, ýnıversıtettiń Memlekettik tildi damytý jáne til saıasaty bóliminiń bastyǵy, Qazaqstan Respýblıkasy jýrnalıster odaǵynyń múshesi, Qazaqstan Respýblıkasy Úkimeti janyndaǵy Memlekettik termınkom múshesi Muhambedııa Ahmet-Tóreniń elordalyq garnızonnyń jeke quramymen kezdesýi ótkizildi. Kezdesý barysynda Muhambedııa Ahmet-Tóre til týraly zańnama talaptaryna túsinikteme berip, aýdarma jumysynda týyndaıtyn máselelerge toqtaldy. Sondaı-aq qyzmet barysynda qoldaný úshin shyǵarǵan sózdikterimen tanystyrdy.
Qyzyqty da, maǵynaly kezdesý ótkizgen Muhambedııa Ahmetovke Astana qalalyq Іshki ister departamentiniń basshylyǵy alǵysyn bildirdi.
