Astana qalalyq ІІD jol apatynda qaza tapqan er adamnyń týystaryn nemese jaqyndaryn izdestirýde
ASTANA. 7 tamyz. QazAqparat - Astana qalalyq ІІD jol-kólik oqıǵasynda qaza tapqan er adamnyń týystaryn nemese jaqyndaryn izdeý ústinde.
5 tamyz kúni Astana qalasynda Saryarqa-Kenesary kósheleriniń qıylysynda bolǵan jol-kólik oqıǵasynyń saldarynan № 36 baǵytta júretin «Skania» jolaýshylar avtobýsynyń ishinde tulǵasy anyqtalmaǵan 55-65 jas shamasyndaǵy azııalyq násildi er adamnyń máıiti tabyldy.
Boıy 165-175 sm, shashy aq, qysqa. Ústinde torly, aq jolaqtary bar qoıý qyzyl tústi túkti matadan tigilgen jeıde, sondaı-aq kók jolaqty maıka, qara-kók tústi trıko, qońyr tústi aıaq kıim boldy.
"Eger qaza tapqan jolaýshy týraly qandaı da bir aqparattaryńyz bolsa, Beıbitshilik, 19 mekenjaıynda ornalasqan Astana qalalyq ІІD-ge kelýlerińizdi nemese 8(7172) 71-62-95, 71-62-90, 71-60-29 telefon nómirleri arqyly habarlasýlaryńyzdy suraımyz", - delingen taratylǵan habarlamada.
Buryn habarlanǵandaı, jeksenbi, 5 tamyz kúni saǵat 14:11-de Saryarqa dańǵyly men Kenesary kóshesiniń qıylysynda krandy kóliktiń 29 jastaǵy júrgizýshisi Kúmisbekov kóshesine qaraı burylysta, ishinde 30 adam bolǵan № 36 baǵdardaǵy «Skania» jolaýshylar avtobýsymen soqtyǵysyp qaldy.
Jol-kólik oqıǵasynyń saldarynan avtobýstyń 4 jolaýshysy oqıǵa ornynda kóz jumdy, túrli dárejedegi jaraqattar alǵan jolaýshylardyń bir bóligi qalalyq aýrýhanalarǵa jetkizildi, oqıǵa ornynda medıtsınalyq kómek alǵan qalǵandary úılerine jiberildi.
