Astana qalalyq ІІD «Jasóspirim-Zań-Qaýipsizdik» aktsııasyn ótkizdi
ASTANA. 31 mamyr. QazAqparat /Aıdar Ospanalıev/ - Astana qalalyq Іshki ister departamenti Qoǵamdyq qaýipsizdik basqarmasynyń ókilderi kámeletke tolmaǵandardyń arasynda quqyq buzýshylyqtardyń aldyn alý
men jasóspirimderdiń quqyqtyq saýattaryn arttyrý maqsatynda 17-19 mamyr aralyǵynda «Jasóspirim-Zań-Qaýipsizdik» aktsııasyn ótkizdi. Bul týraly búgin jýrnalıstermen bolǵan brıfıngte Astana qalalyq Іshki ister departamentiniń Memlekettik til jáne aqparat bóliminiń bastyǵy Nurdildá Oraz málim etti.
Onyń sózine qaraǵanda, atalmysh sharaǵa qalalyq Bilim basqarmasy men Astana qalalyq balalardyń quqyqtaryn qorǵaý departamenti men qoǵamdyq jáne jastar uıymdarynyń ókilderi qatysty. Sondaı-aq aktsııaǵa qalanyń 62 mektebinen 642 oqýshy atsalysty. Olardyń 257-i ishki ister organdarynda arnaıy esepte turǵan kámeletke tolmaǵandar, 112-i jaısyz otbasynan shyqqan balalar. «Aktsııa barysynda balalar Astana qalalyq ishki ister departamenti men onyń murajaıy jáne ýaqytsha oqshaýlaý ızolıatory, «Saryarqa», «Esil» aýdandyq ishki ister basqarmalary, kámeletke tolmaǵandardy beıimdeý ortalyǵy, Astana qalalyq bilim basqarmasy sııaqty birqatar nysandardy aralady. Bul nysandarda jasóspirimderge quqyq buzýshylyqtyń aldyn alý men olardy qyzyqtyrǵan ózge de kóptegen saýaldarǵa jaýap berildi», - dedi N.Oraz
